Stomach Health : सारखं पोट खराब होतंय? मग १० दिवस करून बघा न्यूट्रिशनिस्टनं सांगितलेल्या ५ गोष्टी!

आतड्यात चांगले बॅक्टेरिया वाढवायचे असतील, तर न्यूट्रिशनिस्टच्या म्हणण्यानुसार रोज या ५ गोष्टी करायला सुरुवात करा. याचा परिणाम १० दिवसांतच दिसू लागेल. यामुळे पचनक्रिया तर सुधारेलच, शिवाय रोगप्रतिकारशक्तीही वाढेल. यासोबतच आरोग्याशी संबंधित इतर समस्यांमध्येही आराम मिळेल. न्यूट्रिशनिस्ट ख्याती रुपाणी यांनी पॉडकास्टमध्ये आतड्याचे आरोग्य सुधारण्यासाठी ‘या’ ५ गोष्टी करण्याचा सल्ला दिला आहे.

रोज ताक प्या

हिवाळा सुरू झाला आहे, या काळात लोक ताक पिणे टाळतात. पण, ताक हा आतड्याच्या आरोग्यासाठी उत्तम स्त्रोत आहे. रोज दुपारच्या जेवणानंतर ताक प्यायल्याने आतड्यात चांगले बॅक्टेरिया वाढतात. त्यामुळे रोज ताक प्या. अवघ्या १० दिवसांत याचा फरक दिसू लागेल.

प्रोबायोटिक पदार्थ खा

इडली, डोसा, ढोकला, कांजी, कांजी भात, दही भात असे नैसर्गिकरित्या आंबवलेल्या पीठाचे पदार्थ आठवड्यातून किमान दोनदा खा. ते आपल्या शरीरातील चांगले बॅक्टेरिया वाढवण्यास मदत करतात.

Food Combination: पालकसोबत अजिबात खाऊ नका ५ पदार्थ, आरोग्यावर होतील गंभीर परिणाम

सकाळी प्या ‘हे’ पेय

रोज सकाळी मेथी आणि हळदीचा चहा प्या. यासाठी एक चमचा मेथीदाणे पाण्यात उकळून घ्यावेत. नंतर त्यात चिमूटभर काळी मिरी आणि हळद घालून प्यावे.

दररोज खा १ आवळा

हिवाळ्यात शरीरातील सर्व दोषांचा समतोल राखायचा असेल आणि रोगप्रतिकारशक्ती वाढवायची असेल तर रोज एक आवळा खा. आवळा आपल्या शरीरात प्रीबायोटिक्स आणि प्रोबायोटिक्स संतुलित करतो.

भाजी खाऊन करा जेवणाची सुरुवात 

आतड्याचे आरोग्य सुधारायचे असेल, तर दररोज कोणत्याही भाजीबरोबर रात्रीच्या जेवणाची सुरुवात करा. कोशिंबीर, सूप किंवा हलक्या उकडलेल्या भाज्या खा. पण रात्रीच्या जेवणाची सुरुवात भाज्यांनीच करा. त्यानंतर कार्ब घ्या. असे केल्याने आतड्याचे आरोग्य सुधारेल.