Type 2 Diabetes: रात्री जागताय? होऊ शकतो मधुमेह, जाणून घ्या संशोधन!

Health Care: व्यस्त, बिघडलेली जीवनशैली आणि कामामुळे अनेकांची झोप पूर्ण करू शकत नाहीत. ज्याचा थेट परिणाम आपल्या आरोग्यावर दिसून येतो. आजकाल आधुनिक जीवनशैलीच्या नावाखालीही लोक रात्री उशिरापर्यंत जागे राहतात. पण तुमची ही सवय तुम्हाला आजारांच्या जवळ घेऊन जात आहे. अलीकडेच, शास्त्रज्ञांनी यावर संशोधन केले, ज्यामध्ये असे समोर आले की जे लोक रात्री उशिरापर्यंत जागे राहतात त्यांना टाइप २ मधुमेहाचा धोका जास्त असतो. संशोधकांच्या मते, जे लोक रात्री उशिरापर्यंत जागे राहतात त्यांना इतर लोकांच्या तुलनेत आजारांना बळी पडण्याचा धोका जास्त असतो. हे संशोधन अॅनल्स ऑफ इंटरनल मेडिसिन जर्नलमध्ये प्रकाशित झाले आहे.

कसा केला गेला रिसर्च?

हार्वर्ड मेडिसिन स्कूलमधील संशोधकांनी ६० हजार महिला परिचारिकांचा अभ्यास केला. रात्री काम करणाऱ्या परिचारिका कमी व्यायाम करू शकत होत्या आणि अनारोग्यकारक अन्न खात असल्याचे या अभ्यासातून समोर आले आहे. याचा त्यांच्या जीवनशैलीवर खोलवर परिणाम झाला. संशोधकांचे म्हणणे आहे की अभ्यासात असे दिसून आले आहे की, दिवसा काम करणाऱ्या लोकांच्या तुलनेत रात्री जागून काम करणाऱ्यांना टाइप २ मधुमेहाचा धोका १९ टक्के जास्त असतो.

झोपेचे चक्र बिघडते

संशोधनात असे म्हटले आहे की जे लोक रात्री उशिरापर्यंत जागे राहतात आणि दिवसा झोपतात, त्यांच्या झोपेचे चक्र बिघडते. त्यामुळे शरीरातील मेटाबॉलिक प्रक्रिया बिघडते. त्यामुळे शरीरात चरबी जमा होते आणि टाइप २ मधुमेहासारखे गंभीर आजार होतात. संशोधनात शास्त्रज्ञांना असे आढळून आले की जे लोक रात्री उशिरापर्यंत जागे राहतात आणि जे लोक सकाळी लवकर उठतात त्यांच्या चरबीच्या मेटाबॉलिक मोठा फरक आहे.

टाइप २ मधुमेह म्हणजे काय?

मधुमेहाचे दोन प्रकार आहेत - टाइप १ आणि टाइप २ मधुमेह. टाइप १ मधुमेह बहुतेक लोकांमध्ये अनुवांशिक कारणांमुळे होतो आणि टाइप २ मधुमेह खाण्याच्या सवयी आणि जीवनशैलीतील अडथळ्यामुळे होतो. टाइप २ मधुमेहामध्ये स्वादुपिंड आवश्यकतेनुसार इन्सुलिन तयार करू शकत नाही. आरोग्य तज्ज्ञांच्या मते, निरोगी जीवनशैलीचे पालन करून टाइप २ मधुमेह नियंत्रणात आणला जाऊ शकतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)