Skin Care: चेहऱ्यावर कशामुळे होतात ओपन पोर्स? वाचा कारणे आणि घरगुती उपाय

ओपन पोर्सची कारणे-

आपल्या त्वचेवर लहान छिद्र असतात, ज्यातून घाम आणि तेल बाहेर पडतात. यामुळे त्वचेला श्वास घेण्याची संधी मिळते. जेव्हा ही छिद्रे मोठी होतात तेव्हा त्याला ओपन पोर्स म्हणतात. खुल्या छिद्रांची अनेक कारणे असू शकता. जसे की तेलकट त्वचा, सेबमचे जास्त उत्पादन, हार्मोनल असंतुलन, आनुवंशिकता, वाढते वय, उन्हामुळे होणारे नुकसान आणि त्वचेची योग्य काळजी न घेणे. अशा अनेक कारणांमुळे चेहऱ्यावर ओपन पोर्स दिसून येतात.

ओपन पोर्स कमी करण्यासाठी घरगुती उपाय-

१) मुलतानी माती-

ओपन पोर्स म्हणजेच उघड्या छिद्रांच्या समस्येपासून मुक्त होण्यासाठी, तुम्ही मुलतानी माती वापरू शकता. यासाठी दोन चमचे मुलतानी मातीमध्ये एक चमचा गुलाबजल मिसळून पेस्ट तयार करा. आता ही पेस्ट चेहऱ्यावर लावा आणि कोरडी होऊ द्या. साधारण १५ मिनिटांनी चेहरा पाण्याने स्वच्छ धुवा. मुलतानी माती त्वचेची घाण साफ करण्यासोबतच उघड्या छिद्रांना कमी करण्याचे काम करते.

Diwali Skin Care: कामाच्या घाईत पार्लरसाठी वेळच नाही? मग घरच्या घरी १० मिनिटांत मिळवा फेशिअल ग्लो

२)ॲलोवेरा जेल-

ॲलोवेरा जेलमध्ये अँटीऑक्सिडंट आणि अँटी-बॅक्टेरियल गुणधर्म असतात. ज्यामुळे त्वचा स्वच्छ आणि घट्ट होण्यास मदत होते. हे त्वचेला ओलावा प्रदान करते आणि खुल्या छिद्रांना घट्ट करते. एलोवेरा जेल चेहऱ्यावर लावा आणि १० ते १५ मिनिटे राहू द्या. त्यानंतर चेहरा स्वच्छ पाण्याने धुवा.

३)टोमॅटोचा रस-

टोमॅटोचा रस खुली छिद्रे कमी करण्यासाठी देखील प्रभावी आहे. त्यात तुरट गुणधर्म असतात, जे त्वचेला घट्ट आणि स्वच्छ करतात. यासाठी कापसाच्या साहाय्याने टोमॅटोचा रस चेहऱ्यावर लावा आणि सुमारे १५ मिनिटे राहू द्या. त्यानंतर चेहरा पाण्याने स्वच्छ धुवा.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )