मराठी बातम्या  /  लाइफस्टाइल  /  Tanning Removal: चेहऱ्यावर टॅनिंग दिसत असेल तर करा दही फेशियल, मिक्स करा या गोष्टी

Tanning Removal: चेहऱ्यावर टॅनिंग दिसत असेल तर करा दही फेशियल, मिक्स करा या गोष्टी

Hiral Shriram Gawande HT Marathi
Mar 10, 2024 10:54 AM IST

Tan Removal Face Pack: चेहऱ्याचा रंग डल झाला आणि त्वचेवर काळे डाग दिसतायत का? त्वचेवर टॅनिंग होत असेल तर या चार गोष्टी दह्यात मिसळून फेशियल केल्याने काही महिन्यांत फरक दिसेल.

टॅनिंग काढण्यासाठी दह्याचे फेस पॅक
टॅनिंग काढण्यासाठी दह्याचे फेस पॅक (unsplash)

Curd Facial to Remove Tan: उन्हाळ्याला सुरु झाली की पहिली समस्या जाणवते ते उन्हामुळे होणाऱ्या टॅनिंगची. अनेकांना फ्रिकल्सही येऊ लागतात. तसं तर चेहऱ्यावर फ्रिकल्स किंवा काळे डाग येण्याचे कारण जीवनसत्त्वाची कमतरता देखील असू शकते. जर तुम्हाला तुमच्या चेहऱ्यावरचा तुमचा आधीचा चमकणारा रंग परत मिळवायचा असेल, चेहऱ्यावरील काळे डाग, टॅनिंग दूर करायचे असेल तर या गोष्टी दह्यात मिसळा आणि त्याने चेहऱ्यावर फेशियल करा. काही वापरानंतरच तुम्हाला तुमच्या त्वचेत फरक दिसेल. जाणून घ्या टॅनिंग दूर करण्यासाठी काय करावे.

टॅनिंग आणि फ्रिकल्ससाठी दह्यामध्येया मिक्स करा या गोष्टी

- दही ३ चमचे

- १ चमचा फ्लेक्स सीड पावडर

- १/४ चमचा तुरटी

- १/२ चमचा ज्येष्ठमध पावडर

- १/२ चमचा कस्तूरी हळद पावडर

टॅनिंग काढण्यासाठी असे करा दही फेशियल

दहीमध्ये या चारही गोष्टींची पावडर ठराविक प्रमाणात मिक्स करा. ही पेस्ट चांगली स्मूद बनवा. जेणेकरून ते चेहऱ्यावर घासणार नाही. आता चेहरा नीट धुवा. त्यानंतर हा फेस पॅक लावा आणि अर्धा तास तसाच राहू द्या. अर्ध्या तासानंतर पाच ते सात मिनिटे सर्कुलर मोशनमध्ये हलक्या हाताने मसाज करा. दररोज हा फेस पॅक सतत लावल्याने काही महिन्यांत तुम्हाला त्वचेत फरक दिसेल.

त्वचेवर गुणकारी

तुरटीमध्ये अँटी-बॅक्टेरियल गुणधर्म असतात, ज्यामुळे बुरशी नष्ट होते. तसेच ज्येष्ठमध पावडर आणि फ्लेक्स सीड पावडर त्वचेच्या छिद्रांना घट्ट करण्याचे काम करतात. यामुळे फक्त फ्रिकल्स आणि टॅनिंग नाहीसे होत नाही तर त्वचेचा सैलपणाही दूर होतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel