Yoga Mantra: सायनसमुळे नाक गच्च, भयानक डोकेदुखी होते? 'ही' योगासने मुळापासून दूर करतील आजार

१) पश्चिमोत्तनासन

सायनसच्या समस्येपासून आराम मिळवण्यासाठी पश्चिमोत्तनासनाचा सराव करा. यासाठी सरळ बसून दोन्ही पाय पसरून सरळ रेषेत एकमेकांच्या जवळ ठेवा. नंतर दोन्ही हात वरच्या दिशेने घेऊन जा आणि कंबर सरळ ठेवा. वाकून दोन्ही हातांनी पायाची बोटे धरा. या दरम्यान तुमचे गुडघे वाकू नयेत आणि तुमचे पाय जमिनीवरच राहावेत. या आसनामुळे डोकेदुखीपासूनही आराम मिळतो.

२) हलासना-

हलासनाचा सराव करण्यासाठी जमिनीवर पाठीवर झोपा आणि दोन्ही हात जमिनीवर सरळ ठेवा. हळूहळू श्वास सोडत दोन्ही पाय वर उचला. आता पाय मागे सरळ जमिनीच्या दिशेने वाकवा आणि पायाची बोटे जमिनीच्या जवळ ठेवा. आपले डोके सरळ ठेवा. दोन ते तीन मिनिटे या स्थितीत रहा, नंतर सामान्य स्थितीत या.

Health Tips: थायरॉईड, डायबिटीस गोळ्यांशिवाय होईल दूर, फक्त पाण्यात मिसळून प्या 'ही' गोष्ट

३) उत्तानासन

हे आसन करण्यासाठी सरळ उभे राहून दीर्घ श्वास घ्या आणि दोन्ही हात वर उचला. नंतर पुढे वाकून दोन्ही हातांनी जमिनीला स्पर्श करा. गुडघे सरळ ठेवा. काही वेळ या स्थितीत रहा, नंतर हात वर घेत असताना श्वास सोडा आणि सामान्य स्थितीत उभे रहा.

४)पवनमुक्तासन

हे योगासन करण्यासाठी पाठीवर झोपा आणि श्वास घ्या. आता एका पायाचा गुडघा वाकवून दोन्ही हातांची बोटे काही अंतरावर ठेवा आणि गुडघा पोटाजवळ आणा. श्वास सोडताना डोके वर उचला आणि गुडघे नाकाजवळ ठेवा. आपला श्वास रोखून धरा आणि १० सेकंद या स्थितीत रहा आणि नंतर आपले पाय सरळ करा. हीच प्रक्रिया दुसऱ्या पायाने करा.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )