Side Effects Of Honey: मधासोबत अजिबात खाऊ नयेत 'हे' ८ पदार्थ, फायद्याऐवजी आरोग्याला होईल नुकसान

तूप किंवा लोणी-

मधासोबत तूप किंवा लोणी कधीही खाऊ नये. कारण मध आणि तूप दोन्ही घट्ट असल्याने ते एकत्र खाल्ल्याने पचायला वेळ लागतो. यामुळे पोट फुगणे किंवा जडपणा जाणवू शकतो.

अंडी-

मध आणि अंडी एकत्र खाऊ नयेत. दोघांचा स्वभाव उष्ण आहे. त्यामुळे ते वेगळे खावे. यांचं एकत्र सेवन केल्याने पोटात अल्सर होऊ शकतो.

मोहरी-

अगदी मोहरीसोबत मध खाण्यास मनाई आहे. मोहरीच्या हिरव्या भाज्या, काळी मोहरी, पिवळी मोहरी, मोहरीच्या तेलासोबत मधाचे सेवन करू नये. उन्हातून परत आल्यानंतरही मधाचा वापर करू नये.

गरम पाणी-

मध जास्त गरम पाण्यात गेल्यावर त्याचे फायदे नाहीसे होतात. त्यामुळे याचा वापर फार गरम अन्न किंवा पाण्यात करू नये. तुम्ही ते कोमट पाण्यात वापरू शकता.

दूध-

तुम्ही अनेकांना मध मिसळून दूध पिताना पाहिलं असेल. पण गरम दूध मध मिसळून प्यायल्यास फायदा होण्याऐवजी नुकसान होऊ शकते. त्यामुळे गरम दूध आणि मधाचे सेवन करू नका.

Alum Benefits: पाण्यात तुरटी घालून करा अंघोळ, शरीराला मिळतील अफाट फायदे

चहा किंवा कॉफी-

चहा किंवा कॉफीमध्ये साखरेऐवजी मधाचा वापर केल्यास ते धोकादायकही ठरू शकते. चहा किंवा कॉफीसोबत मधाचे सेवन केल्याने शरीराचे तापमान वाढते आणि त्यामुळे अस्वस्थता आणि तणावही होतो.

मुळा-

मध आणि मुळा खाल्ल्याने शरीरात विषारी संयुगे तयार होतात. ज्यामुळे त्वचेची समस्या उद्भवू शकते. एखादी ऍलर्जी होण्याची शक्यता असते.

दारू-

मध आणि अल्कोहोल एकत्र मिसळून प्यायल्याने गंभीर परिणाम होऊ शकतात. या दोघांचे मिश्रण तुमच्या आरोग्यासाठी हानिकारक ठरू शकते. त्यामुळे उलट्या आणि निर्जलीकरण होत असल्याचे अनेक प्रकरणांमध्ये दिसून आले आहे.

Hair Care: केसांसाठी वरदान आहे दही, केस गळतीपासून, कोंड्यापर्यंत सर्वच समस्या करते दूर

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )