Self Care Tips: बिझी महिलांसाठी उपयुक्त आहेत 'या' सेल्फ केअर टिप्स! तुम्हीही करू शकता फॉलो
Self Care Month: तुम्ही काही गोष्टी करून तुमचे हेक्टिक शेड्युल देखील एन्जॉय करू शकता. आपल्या एकूण आरोग्यास चालना देण्यासाठी महिलांनी या सेल्फ केअर टिप्स आवर्जून फॉलो कराव्या.
Self Care Tips for Busy Women: आजकाल बहुतेक लोक तणाव, नैराश्य, चिंता इत्यादी विविध मानसिक परिस्थितींना बळी पडत आहेत. याचे सर्वात मोठे कारण म्हणजे स्वत:ची काळजी न घेणे. सेल्फ केअर जीवनात खूप महत्वाची भूमिका बजावते. हे तुमचे नित्य जीवन सोपे आणि सुंदर बनवू शकते. सेल्फ केअर अंतर्गत तुम्ही तुमचे बिझी शेड्युल देखील आनंदात घालवू शकता. नोकरी, घरातील कामं, इतरांची काळजी घेणे यातून महिलांना स्वतःसाठी फारसा वेळ कधीच मिळत नाही. बिझी महिलांसाठी या काही सोप्या सेल्फ केअर टिप्स खूप उपयुक्त आहेत. तुम्ही त्या फॉलो करून स्वतःची काळजी घेऊ शकता.
बिझी महिलांसाठी सेल्फ केअर टिप्स
निसर्गाशी कनेक्ट व्हा
सेल्फ केअरमध्ये निसर्गाला खूप महत्त्व आहे. निसर्ग तुम्हाला केवळ शारीरिकदृष्ट्या निरोगी ठेवत नाही तर तुमचे मानसिक आरोग्य देखील वाढवतो. तणाव, चिंता, नैराश्य यासारख्या परिस्थितीत हे प्रभावी आहे. एवढेच नाही तर एखाद्या व्यक्तीला लठ्ठपणाचा त्रास होत असेल, किंवा दमा किंवा इतर शारीरिक समस्या असतील तर निसर्गात वेळ घालवल्याने या सर्व समस्यांचे परिणाम कमी होण्यास मदत होते. संध्याकाळी मोकळ्या वातावरणात फिरण्याची सवय लावा. तसेच सकाळी हिरव्यागार ठिकाणी ध्यान किंवा योगासने करा. जर तुमच्याकडे जास्त वेळ नसेल, तर काही वेळ वॉक करा किंवा डीप ब्रीदिंग एक्सरसाईज करा.
सोशल मीडियापासून ब्रेक घ्या
दिवसभराच्या थकव्यानंतर शरीराला आराम देणे खूप महत्वाचे आहे. आजकाल लोक आराम करण्याच्या नावाखाली सोशल मीडिया स्क्रोल करायला लागतात, हे अजिबात योग्य नाही. सोशल मीडिया आणि मोबाईल फोनवर व्यस्त राहिल्याने तुमचे मन सक्रिय राहते आणि तुमच्या डोळ्यांवरही ताण येतो. या काळात शरीरातून ऊर्जा बाहेर पडते आणि शरीराला प्रत्यक्षात विश्रांती मिळत नाही. त्यामुळे तुमच्या मोकळ्या वेळेत तुमच्या शरीराला आराम द्या आणि काही काळ सोशल मीडिया आणि मोबाईल फोनपासून स्वतःला दूर ठेवा.
कृतज्ञतेचा सराव करा
अनेकदा व्यस्त असल्यामुळे लोक शारीरिक थकव्याकडे लक्ष देतात, परंतु मानसिक थकव्याकडे दुर्लक्ष करतात. ऑफिसच्या वेळेत तुमच्या शरीराला जेवढा थकवा येतो, तेवढाच परिणाम तुमच्या मेंदूवरही होतो. शिवाय समस्या वाढल्याने लोक नकारात्मकतेकडे वळतात. या गोष्टी टाळण्यासाठी कृतज्ञतेचा सराव करणे गरजेचे आहे. याचाच अर्थ जीवनात घडणाऱ्या सकारात्मक गोष्टींबद्दल कृतज्ञता व्यक्त करणे. आपल्या आयुष्यातील चांगले क्षण, सकारात्मक गोष्टींबद्दल आनंदी राहणे आणि त्याबद्दल आभार मानणे महत्त्वाचे आहे.
आवडत्या लोकांसोबत वेळ घालवा
हल्ली लोकांचे एकमेकांना भेटणे कमी केले आहे. अनेक लोक वर्षातून एकदा भेटतात. आवडत्या लोकांसोबत वेळ घालवल्याने तणाव कमी होतो. तुम्ही शारीरिक किंवा मानसिकरित्या तणावात असाल तर, मित्र, कुटुंबातील सदस्य किंवा तुमचे पालक किंवा ज्यांच्याशी तुमचे घट्ट नाते आहे त्यांच्यासोबत थोडा वेळ घालवा. तुम्ही तुमच्या भावना या लोकांसोबत मोकळेपणाने व्यक्त करू शकता, ज्यामुळे तुमचा मानसिक आणि भावनिक ताण कमी होतो.
हायजीन मेंटेन ठेवणे महत्वाचे
ऑफिसमधून थकून आल्यावर जर तुम्ही अंथरुणावर झोपलात किंवा तुमच्या नियमित दिनचर्येतही हायजीन पाळली नाही, तर चिडचिड, राग, एलर्जी आणि इंफेक्शनसारख्या समस्या तुम्हाला त्रास देऊ शकतात. त्यामुळे योग्य हायजीन मेंटेन ठेवणे फार महत्वाचे आहे. हायजिन तुम्हाला शारीरिक समस्यांपासून दूर ठेवते. तसेच मानसिकदृष्ट्या शांत राहण्यास मदत करते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या