Sara Ali Khan Beauty Tips: सारा अली खानचे ब्युटी सीक्रेट तुम्हीही करू शकता फॉलो, मिळेल ग्लोइंग स्किन

दाट केसांचे रहस्य आहे कांद्याचे रस

सारा अली खानचे सुंदर केस सगळ्यांना वेड लावतात. सुंदर केस मिळवण्यासाठी सारा कांद्याचा वापर करते. अभिनेत्री दररोज आपल्या केसांमध्ये याचा वापर करते. हा रस हेअर ग्रोथ वाढवतो आणि केस गळती रोखतो. तसेच कांद्याच्या रसामुळे केस आणि डोक्याच्या अनेक समस्यांवर नियंत्रण ठेवता येते.

Beauty Tips: गुडघे आणि कोपरांवरील काळेपणा दूर करतील या ब्युटी टिप्स, काही दिवसात दिसेल फरक

नॅचरल गोष्टी आहेत फेव्हरेट

सारा आपल्या त्वचेची चांगली काळजी घेते. यासाठी तिला स्वयंपाकघरातील नैसर्गिक वस्तूंचा वापर करायला आवडतो. साराला ब्रेकफास्टमध्ये फळे खायला आवडतात. अशा वेळी जी फळे शिल्लक राहतात, मग ती उरलेली फळे फेस मास्क म्हणून वापरते. त्याच बरोबर त्वचेचा रंग राखण्यासाठी आणि डेड स्किन सेल्स काढण्यासाठी ती नैसर्गिक स्क्रबचा वापर करते. यासाठी ती बदाम पावडर आणि मध चेहऱ्यावर लावते.

चांगल्या आहाराने मिळेल सुंदर त्वचा

साराला बेसनचे लाडू, पॅनकेक्स आणि वॅफल्स खायला खूप आवडतात. मात्र, फक्त आपल्या चीट डे ला ती साखरयुक्त पदार्थ खाते. याशिवाय चांगल्या त्वचेसाठी ती रोज पौष्टिक जेवण करते. ज्यात चिकन, मासे, डाळ, भाज्या, फळे, अंडी आणि ब्राऊन राईस यांचा समावेश आहे.

Beauty Mistakes: चेहऱ्यावर चुकूनही एकसोबत लावू नका या ३ गोष्टी, स्किन केअर संबंधित आहेत मोठ्या चुका

७ ते ९ तासांची झोप घेते

अभिनेत्री सारा झोपेशी कधीही तडजोड करत नाही. सारा रोज रात्री आठ तास झोपते. कारण जेव्हा आणप झोपतो तेव्हा शरीर स्वत:ची दुरुस्ती करते. अशा परिस्थितीत त्वचा निरोगी आणि चमकदार ठेवण्यासाठी दररोज रात्री ७ ते ९ तासांची क्वालिटी स्लीप घेणं खूप गरजेचं आहे.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)