कामाच्या प्रेशरला कंटाळून रोबोटची आत्महत्या; रोजच्या कामाचा ताण तुम्ही कसा हाताळणार? जाणून घ्या टीप्स
दक्षिण कोरियात कामाच्या दडपणाला कंटाळून एका रोबोटने आत्महत्या केल्याची घटना घडली आहे. रोबोटच्या बाबतीत ही पहिलीच घटना असली तरी माणसांच्या बाबतीत अशी अनेक प्रकरणे समोर आली आहेत. आज आम्ही तुमच्याशी याच विषयावर बोलणार आहोत.
दक्षिण कोरियात एका रोबोटने कामाच्या दडपणाला कंटाळून आत्महत्या केल्याचा एक विचित्र प्रकार समोर आला आहे. कामाचा कंटाळा आला म्हणून रोबोटने मृत्यूला मिठी मारल्याची ही जगातली पहिलीच घटना असावी. हा रोबोट दररोज ९ तास कामगार म्हणून ड्युटी करत होता. कामाच्या दडपणाला कंटाळून त्याने पायऱ्यांवरून उडी मारून आत्महत्या केली असल्याचे बोलले जाते. या प्रकरणाने पुन्हा एकदा एका गंभीर समस्येकडे सर्वांचे लक्ष वेधले आहे. वाढत्या कामाचा ताण सहन न झाल्याने माणसेच नव्हे तर रोबोटसुद्धा आत्महत्या करत असल्याच्या या समस्येने पुन्हा डोके वर काढले आहे. आज आपण सगळेच कुठेतरी अतिकामाच्या दबावाखाली असतो. त्यामुळे तणाव आणि चिंता खूप सामान्य बाब झाली आहे. प्रत्येकजण हा ताण सहन करू शकत नाही. ज्यामुळे अनेक जण अशी भीतीदायक पावलं उचलतात. कामाचे दडपण कसे हाताळावे याबद्दल काही टीप्स जाणून घेणार आहोत.
कामाचे दडपण आले असल्यास मित्राकडून मदत मागा
होय, जेव्हा केव्हा तुम्हाला गरज असेल तेव्हा मित्रांकडून किंवा सहकाऱ्यांकडून मदत मागण्यामध्ये संकोच करू नका. अनेकदा आपण आतून त्रस्त झालेलो असतो. अशावेळी इतरांकडे मदत मागण्याची इच्छा नसते. नेमका हाच संकोच तुमचा ताण कमी होऊ देत नाही. प्रत्येक गोष्ट स्वत: करणे हे नेहमीच आवश्यक नसते. जास्त काम असताना इतरांची मदत घ्यायला हरकत नाही.
स्वतःसाठी थोडा वेळ काढा
प्रत्येकावर कामाचा ताण असतोच. पण त्यातून तुम्हाला स्वत:साठी थोडा वेळ काढता येत नसेल तर यावर गांभीर्याने विचार करण्याची गरज आहे. आपल्याला अधिक काम करावे लागू शकते, परंतु स्वत: साठी थोडा वेळ घ्या. एकाच वेळी नाही, पण काम करताना मधल्या काळात थोडा वेळ विश्रांती घेत राहा. या काळात आपल्या कोणत्याही सहकाऱ्याकडून काम करण्याबरोबरच थोडे हसणे किंवा आपले आवडते गाणे ऐकून थोडा वेळ चालत जा.
बॉसकडे आपले म्हणणे स्पष्टपणे मांडा
जास्त ताणामुळे तुमच्या मानसिक आरोग्यावर परिणाम होतो, असे वाटत असल्यास बॉसशी बोलण्यास अजिबात संकोच करू नका. आपल्या बॉसबरोबर बसा आणि तुमची चिंता त्यांच्यासमोर मांडा. अनेकदा बॉस रागावतील किंवा समजून घेणार नाहीत, असं तुम्हाला उगीच वाटू शकतं. पण तो तुमच्यापेक्षा जास्त अनुभवी असतो. आणि याआधीही त्याने या सगळ्याचा सामना केलेला असतो. त्यामुळे आपले म्हणणे मांडण्यास अजिबात संकोच करू नका.
तणावामुळे जर तुम्ही मानसिकरित्या खूप खचलेला असाल आणि तणाव तुमच्या मेंदूपर्यंत पोहोचला असेल तर त्याला हलक्यात घेणे मूर्खपणाचे असते. ज्याप्रमाणे आपलं शरीर मधल्या काळात आजारी पडतं, तसंच आपलं मानसिक आरोग्यही आजारी पडू शकतं. त्यामुळे त्यावर उपचार करण्यात संकोच करू नका. अशावेळी तुम्ही मानसिक आरोग्य तज्ञाकडे जाऊन थेरपी घेऊ शकता.
संबंधित बातम्या