मराठी बातम्या  /  लाइफस्टाइल  /  Relationship Tips: नात्यात या गोष्टींबाबत अजिबात करु नये तडजोड, प्रत्येकासाठी आहे महत्त्वाचे

Relationship Tips: नात्यात या गोष्टींबाबत अजिबात करु नये तडजोड, प्रत्येकासाठी आहे महत्त्वाचे

Hiral Shriram Gawande HT Marathi
Jan 04, 2024 11:31 PM IST

Adjustment in Relation: अनेकदा नात्यामध्ये काही गोष्टी अॅडजस्ट केल्या तर त्याचा पुढे त्रास होतो. अशा काही गोष्टी असतात ज्याबाबत तुम्ही नात्यात कधीच तडजोड करू नये.

रिलेशनशिप टिप्स
रिलेशनशिप टिप्स

Thinks Never Adjust in Relation: नाते म्हटले की तडजोड ही आलीच, असे तुम्ही नेहमी ऐकले असेल. दोन व्यक्तीचे आचार-विचार वेगळे असल्यामुळे प्रत्येक गोष्ट ही सारखीच असेल असे होऊ शकत नाही. कुठे ना कुठे काहीतरी अॅडजस्टमेंट करावी लागते. काही गोष्टींच्या बाबतीत केलेली अॅडजस्टमेंट ही नात्यासाठी चांगली असते. पण काही गोष्टी अशा असतात की त्याबाबत तडजोड केली तर त्याचा भविष्यात पश्चात्ताप होतो किंवा त्रास होतो. त्यामुळे नात्यात कोणत्या गोष्टींबाबत कधीच तडजोड करु नये ते जाणून घ्या.

पार्टनराने केलेला अपमान

अनेक लोकांना गंमतीत आपल्या पार्टनरला काही बोलण्याची, त्याचा अपमान करण्याची सवय असते. अगदी पाहुण्यांसमोर सुद्धा ते पार्टनरला टोमणे मारणे किंवा कमी लेखण्यास घाबरत नाही. पण तुम्ही अशी वागणूक अॅडजस्ट केली तर त्याचा तुमच्या मनावर वाईट परिणाम होऊ शकतो. त्यामुळे अशी वागणूक कधीच अॅडजस्ट करु नये.

तुमचे नाते लपवून ठेवणे

जर तुमचा पार्टनर तुमचे नाते इतरांपासून किंवा समाजापासून लपवून ठेवायचे म्हणत असेल तर हे अजिबात अॅडजस्ट करू नका. तुम्ही असे केले तर यामुळे नात्यातील विश्वास कमी होऊ शकतो.

स्टँड न घेणे

एकत्र कुटूंब असेल तर काही ना काही गोष्टीवरुन वाद होऊ शकतात. अशा वेळी तुमचा पार्टनर चुकीच्या लोकांचे समर्थन करत असेल किंवा तुम्ही बरोबर असूनही तुम्हाला गप्प राहण्याचा सल्ला देत असेल तर हे अजिबात अॅडजस्ट करू नका. हे हेल्दी रिलेशनसाठी चांगले नाही. पार्टनरने एकमेकांसाठी स्टँड घेणे खूप महत्त्वाचे असते.

 

पार्टनरला कमी लेखणे

प्रत्येक व्यक्तीची आपली स्वतःची ओळख, स्थान असते. तुमचा पार्टनर जर तुमच्या कामाला महत्त्व देत नसेल, तुम्हाला नेहमी कमी लेखत असले तर याबाबत तडजोड करु नका. तुमच्या करिअरचा, कामाचा सन्मान पार्टनरने केला नाही तर याने आत्मविश्वास कमी होऊ शकतो. तसेच यामुळे नात्यात सुद्धा दुरावा येऊ शकतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel