Relationship Tips: ब्रेकअपचेसुद्धा आहेत अनेक फायदे, आता डिप्रेशनमध्ये जाण्याची गरज नाही
Benefits of a Breakup: ब्रेकअपनंतर उद्ध्वस्त झालेले आणि अनेक महिने, अनेक वर्षे ब्रेकअपच्या वेदनेतून बाहेर पडू न शकणारे लोक तुम्ही पाहिले असतील. वेदनांच्या या विचारामुळे बरेच लोक चुकीच्या नातेसंबंधात अडकलेले असतात.
How to Get Out of a Breakup: एखादं नातं जोडणं जितकं कठीण असतं तितकंच ते तोडणं अवघड असतं. नातं तुटल्याचं दु:ख हृदयाला सतत असह्य वेदना देत असतं. त्यामुळे नाते तुटण्याच्या विचारानेही लोक घाबरतात. ब्रेकअपनंतर उद्ध्वस्त झालेले आणि अनेक महिने, अनेक वर्षे ब्रेकअपच्या वेदनेतून बाहेर पडू न शकणारे लोक तुम्ही पाहिले असतील. वेदनांच्या या विचारामुळे बरेच लोक चुकीच्या नातेसंबंधात अडकलेले असतात. ब्रेकअपचा अनुभव हा आयुष्यातील सर्वात वाईट अनुभव आहे. परंतु कधीकधी तो आवश्यकही असतो. फार कमी लोकांच्या लक्षात आले असेल की ब्रेकअपचे देखील काही फायदे आहेत. ब्रेकअपचे काय फायदे आहेत, आम्ही तुम्हाला सांगणार आहोत.
लोकांची ओळख-
ब्रेकअपचे दुःख जितके वेदनादायी असते, तितकेच त्यातून शिकण्यासारख्या अनेक गोष्टी असतात. असं म्हणतात की आयुष्यात कधी कधी ठेच लागावी लागते. त्याचप्रमाणे ब्रेकअप देखील ठेचसारखंच आहे. जर तुम्ही विषारी नातेसंबंधात असाल आणि एखाद्या व्यक्तीशी तुमचे नाते संपुष्टात आणले जे तुमच्यासाठी योग्य नाही, तर कुठेतरी आपोआप लोकांची ओळख तुम्हाला होते. यानंतर तुम्हाला कळेल की तुम्हाला तुमच्या आयुष्यात कोणती व्यक्ती हवी आहे. ब्रेकअपनंतर लोक तुमचा सहज फायदा घेऊ शकत नाहीत.
स्वत:चे महत्त्व-
रिलेशनशिपमध्ये असताना एखादी व्यक्ती अनेकदा स्वतःला कमी महत्त्व देते. अनेक वेळा तुम्ही जोडीदार आणि नातेसंबंधातील समस्यांसाठी स्वतःला दोष देता. पण, जेव्हा तुम्ही त्या व्यक्तीपासून वेगळे होता तेव्हा तुम्हाला तुमचे महत्त्व कळते. हे दिसून येते की इतर लोक देखील तुमच्यावर खूप प्रेम करतात. यातून तुम्हाला तुमचे महत्त्वही कळते. याचा अर्थ तुम्ही स्वतःवर प्रेम करायला शिकायला सुरुवात करता.
सौंदर्य आणि फिटनेस-
रिलेशनशिपमध्ये असताना बहुतेक लोक स्वतःकडे कमी लक्ष देतात. पण, जेव्हा तुम्ही एकटे असता, तेव्हा तुम्ही तुमच्या आरोग्याकडे, सौंदर्याकडे आणि फिटनेसकडेही लक्ष देण्यास सुरुवात करता. कारण, ब्रेकअप झाल्यानंतर आयुष्य संपत नाही, तर आता तुम्ही शांतपणे विचार करू शकता की तुम्हाला तुमच्या आयुष्यात कोणती व्यक्ती हवी आहे.
आत्मविश्वास वाढतो
ब्रेकअपची वेदना फारच दुःखद असते. पण, कधी कधी ते तुम्हाला जीवन जगण्याची कला देखील शिकवते, ज्यामुळे तुम्हाला स्वतःमध्ये एक वेगळा आत्मविश्वास जाणवेल. तुम्ही स्वतःच्या अटींवर आयुष्य जगू लागता, दुसऱ्याचा सल्ला घ्यायची गरज वाटत नाही.
धडा शिकवण्याची कला
ब्रेकअपनंतर, लोक अनेकदा त्यांच्या आयुष्यात एक मंत्र कायमचा अवलंबतात, तो मंत्र म्हणजे जशास तशे होय . जेव्हा तुम्ही नात्यातील त्रुटींकडे दुर्लक्ष करता. तुम्ही तुमची नापसंती व्यक्त करत नसलात, तुमचा पार्टनर तुमचा आदर करत नाही, तर अशा व्यक्तीपासून दूर राहिल्यानंतर तुमच्या स्वभावात खूप बदल होतात. जिथे आधी तुम्ही लोकांना प्रतिसाद देण्यास टाळाटाळ करायचा, आता तुम्ही इतरांच्या कृती समजून घेऊन त्यांना त्यांच्याच भाषेत प्रतिसाद देऊ शकता.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या