Rakshabandhan 2024: रक्षाबंधनला करा नवा ट्रेंड फॉलो! यंदा तुम्हीही भावाला द्या 'या' हटके भेटवस्तू

रक्षाबंधनला तुम्ही भावाला देऊ शकता 'हे' रिटर्न गिफ्ट्स-

ट्रिमिंग किट-

आजकालच्या बहुतांश मुलांना क्लीन शेव्हिंगची अजिबात आवड नाही. आजच्या सर्रास मुलांना दाढी ठेवायला आवडते. अशा परिस्थितीत तुम्ही तुमच्या भावासाठी ट्रिमिंग किट खरेदी करू शकता. हे त्यांच्यासाठी खूप उपयुक्त ठरेल. त्याचा वापर ते दाढी ठेवण्यासाठी करू शकतात. आणि त्यासाठी त्याला पुन्हा पुन्हा सलूनमध्ये जावे लागणार नाही.

पॉवर बँक-

सध्याच्या काळात प्रत्येकजण स्मार्टफोन वापरतो. यामध्ये ओटीटी प्लॅटफॉर्मवर गेमिंगपासून सोशल नेटवर्किंग साइट्स आणि वेब सीरिजपर्यंत सर्व काही पाहता येतं. अशा परिस्थितीत, मोबाईलची बॅटरी लवकर संपते, म्हणून तुम्ही तुमच्या भावाला राखी भेट म्हणून पॉवर बँक देऊ शकता. जेणेकरून त्याच्या फोनची बॅटरी संपली तरी, तो ज्याठिकाणी असेल त्याठिकाणी लगेच मोबाईल चार्ज करू शकतो.

नेक बँड-

यंदाच्या रक्षाबंधनला तुम्ही तुमच्या भावाला नेक बँड देणे हा एक चांगला पर्याय आहे. हा एक प्रकारचा हेडफोनच आहे जो कॅरी करणे खूप सोपे आहे. तुम्ही ते फक्त तुमच्या गळ्यात टाकून ठेवा. आणि जेव्हा कोणी कॉल करेल तेव्हा तुम्ही मोबाईल खिशात ठेऊन त्याच्याशी बोलू शकता. किंवा कानात घालून गाणी ऐकू शकता.

Rakshabandhan Gift Ideas: बहिणीला गिफ्ट द्यायचंय, पण खिशात पैसा कमीय? मग कमी खर्चात द्या या भेटवस्तू

स्मार्ट वॉच

आजकाल लोकांना पारंपरिक घड्याळांऐवजी स्मार्ट वॉच घालायला आवडते. कारण वेळ पाहण्याव्यतिरिक्त तुम्ही त्यात तुमचा मोबाइल चालवू शकता. ते तुम्हाला फिटनेसच्याबाबतीतसुद्धा गाइड करते. तुम्ही दिवसभरात किती पावले चालला, तुमच्या हृदयाच्या ठोक्यांची गती, तुमचा रक्तदाब इ सर्व माहिती मिळते. अशा परिस्थितीत तुम्ही तुमच्या भावाला रक्षाबंधनाला एक स्मार्ट वॉच भेट देऊ शकता.

इअर बर्ड्स-

हे एक उत्तम गॅझेट आहे. जे जवळजवळ प्रत्येक तरुणाला आवडते. यामध्ये तुम्हाला लांब हेडफोन घेऊन जाण्याची गरज नाही. तुम्हाला फक्त तुमच्या कानात एक छोटेसे उपकरण लावावे लागेल आणि तुमचा संपूर्ण फोन त्याद्वारे ऑपरेट होईल. तुम्हाला गाणी ऐकायची असतील किंवा कोणाशी बोलायचे असेल तर ते खूप उपयुक्त आहे. यंदाच्या रक्षाबंधनला तुम्ही भावासाठी हे खरेदी करू शकता.