Plastic Surgery Day: प्लास्टिक सर्जरी बद्दल तुमच्याही मनात हे प्रश्न आहेत का? समजून घ्या वास्तव
Plastic Surgery Day 2024: प्लास्टिक सर्जरी ही एक मोठी टर्म आहे. ज्यामध्ये अनेक प्रकारच्या शस्त्रक्रियांचा समावेश होतो. भाजणे, अपघात अशा घटनांमध्ये केल्या जाणाऱ्या शस्त्रक्रिया लोकांसाठी वरदान ठरल्या आहेत.
Misconception and Facts about Plastic Surgery: प्लॅस्टिक सर्जरीचा वापर शरीरातील अतिरिक्त चरबी, अपघात किंवा कोणत्याही प्रकारच्या बदलासाठी केला जातो. हे तंत्रज्ञान विशेषत: अपघातात हातपाय गमावलेल्या किंवा बर्निंग किंवा ॲसिड हल्ल्यासारख्या घटनांना सामोरे गेलेल्या लोकांसाठी वरदान ठरले आहे. असे असूनही प्लास्टिक सर्जरीबाबत लोकांच्या मनात विविध प्रकारचे गैरसमज कायम आहेत. प्लास्टिक सर्जरीबद्दल योग्यरित्या समजणे सोपे होण्यासाठी हे काही गैरसमज आणि त्याचे सत्य जाणून घ्या.
वेगळ्या आहेत प्लास्टिक सर्जरी आणि कॉस्मेटिक सर्जरी
प्लास्टिक सर्जरी आणि कॉस्मेटिक सर्जरी या वेगळ्या आहेत. सर्वात महत्त्वाचा गैरसमज म्हणजे प्लास्टिक सर्जरी हा कॉस्मेटिक सर्जरीचा समानार्थी शब्द मानला जातो, जो योग्य नाही. सत्य हे आहे की प्लास्टिक सर्जरीचे तीन भाग असतात - करेक्टिव्ह सर्जरी, रीकन्स्ट्रक्टिव्ह सर्जरी आणि कॉस्मेटिक सर्जरी.
प्लास्टिक सर्जरीबद्दल काही गैरसमज
यामुळे एखाद्या व्यक्तीचा चेहरा पूर्णपणे बदलू शकतो
प्लास्टिक सर्जरीशी संबंधित आणखी एक गैरसमज म्हणजे तो कोणत्याही व्यक्तीचे संपूर्ण स्वरूप बदलू शकतो. असे काही नाही, हा पूर्ण गैरसमज आहे. अर्थात प्लास्टिक सर्जरीच्या मदतीने एखाद्या व्यक्तीच्या चेहऱ्यावरील काही वैशिष्ट्ये काही प्रमाणात बदलणे शक्य आहे. पण मूळ लुक आणि स्वरूप बदलत नाही, ते तसेच राहतात.
ही शस्त्रक्रिया फक्त महिलांसाठी आहे
प्लास्टिक सर्जरी फक्त महिलाच करतात असा गैरसमज आहे. हा देखील पूर्णपणे चुकीचा विचार आहे. अशा अनेक शस्त्रक्रिया आहेत ज्या केवळ पुरुषांद्वारे केल्या जातात. ते बोटॉक्स आणि लिपोसक्शन सारख्या शस्त्रक्रियेला प्राधान्य देतात.
हे केल्यावर किचनमध्ये जाऊ नये
गैरसमज असा आहे की ज्या लोकांना भाजल्यामुळे अपघात झाला आहे ते शस्त्रक्रियेनंतर म्हणजेच स्किन ग्राफ्टिंगनंतर दैनंदिन कामांसाठी स्वयंपाकघरात जाऊ शकत नाहीत. ही देखील पूर्णपणे चुकीची आणि अपूर्ण माहिती आहे. सत्य हे आहे की एकदा ग्राफ्टिंग मॅच्युअर झाल्यावर व्यक्ती कुकिंगसारखी रोजची कामं करू शकतो.
लिपोसक्शननंतर पुन्हा लठ्ठ होता
गैरसमज लिपोसक्शन बद्दल आहे, ज्याचा उपयोग स्नायू आणि त्वचेमध्ये जमा झालेली चरबी काढून टाकण्यासाठी केला जातो. असे मानले जाते की लिपोसक्शन नंतर चरबी परत येते. अर्थात, हे घडू शकते कारण ती कॉन्टूरिंग (रिशेपिंग) शस्त्रक्रिया आहे. म्हणून, लिपोसक्शन करणाऱ्या व्यक्तीने स्वत:ला फिट आणि इच्छित शेपमध्ये ठेवण्यासाठी काही प्रयत्न/क्रिया करत राहणे आवश्यक आहे.
रिकन्स्ट्रक्टिव्ह सर्जरी नैसर्गिक दिसते
हा गैरसमज असा आहे की रिकन्स्ट्रक्टिव्ह शस्त्रक्रिया अनेकदा जीव वाचवण्यासाठी किंवा रुग्णाचे अवयव वाचवण्यासाठी केली जाते. लोकांना असे वाटते की शस्त्रक्रियेनंतर शरीराचा तो भाग त्याच्या सामान्य शेप आणि साइजमध्ये परत येऊ शकतो, जसे पूर्वी होते. परंतु हे खरे नाही. सामान्य आकार परत मिळू शकत नाही. काही विकृती शरीरात कायम राहते किंवा नंतर दिसू शकते.
ही स्कार लेस सर्जरी आहे
आणखी एक गैरसमज असा आहे की, प्लास्टिक सर्जरीनंतर त्या भागावर कोणताही डाग राहत नाही, जखम पूर्णपणे बरी होते आणि व्यक्ती पूर्वीसारखी दिसते. तर सत्य उलट आहे. प्रभावित भागावर चीरा लागल्यानंतर एक कट चिन्ह किंवा कापल्याची खून राहते. या चीरामुळे शरीरावर चट्टे राहू शकतात. हे पूर्णपणे नैसर्गिक आणि कमी दिसते. कारण सर्जन अशा ठिकाणी चीरा बनवण्याचा प्रयत्न करतात की ते लगेच दिसत नाही. हे चिन्ह सामान्य आहेत आणि ते मिटायला वेळ लागू शकतो.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
