Parenting Tips: बोर्डाच्या परीक्षेपूर्वी मुलांना शिकवा 'ही' योगासने, मेमरी होईल एकदम शार्प
How to maintain children's mental health: . जर तुम्हाला मुलांना आराम द्यायचा असेल आणि त्यांची बुद्धीही तीक्ष्ण बनवायची असेल तर त्यांना आजपासून हे योग आसन शिकवण्याचा सराव करा. जे त्यांच्या मनाला आराम तर देईलच शिवाय त्यांची मेमरीही तीक्ष्ण करेल.
Tips to increase children's memory in marathi: बोर्डाच्या परीक्षांना अवघे दोन महिने उरले आहेत. याकाळात विद्यार्थ्यांसह त्यांच्या पालकांचेही टेन्शन वाढते. मुलांच्या शिक्षणावर अधिकाधिक लक्ष केंद्रित करून त्यांना सुविधा उपलब्ध करून देणे गरजेचे आहे. पण मुलांनी फक्त मन लावून अभ्यास केला पाहिजे असे नाही. त्याला ज्या काही गोष्टी आठवतात किंवा समजतात ते त्याच्या मनात राहणे महत्त्वाचे आहे. जेणेकरुन त्याला परीक्षेच्या वेळी सर्व काही आठवेल. जर तुम्हाला मुलांना आराम द्यायचा असेल आणि त्यांची बुद्धीही तीक्ष्ण बनवायची असेल तर त्यांना आजपासून हे योग आसन शिकवण्याचा सराव करा. जे त्यांच्या मनाला आराम तर देईलच शिवाय त्यांची मेमरीही तीक्ष्ण करेल. ज्यामुळे मुलाला गोष्टी सहज समजून आणि लक्षात ठेवता येतील. मुलांना परीक्षेची भीती न देता शांत राहायला शिकवा आणि फक्त अभ्यासावर लक्ष केंद्रित करा. तुमच्या दिनचर्येत शारीरिक हालचालींचाही समावेश करा. जाणून घ्या ती कोणती योगासने आहेत ज्यामुळे मुलाला बोर्ड परीक्षेत जास्त गुण मिळण्यास मदत होईल.
प्राणायाम-
मुलांना रोज सकाळी उठल्यानंतर १५ ते २० मिनिटे प्राणायाम करण्याची सवय लावा. यामुळे मुलांचे मन शांत होते आणि मनात स्पष्टता येते. त्यामुळे जे आठवते ते सहज डोक्यात राहते. तसेच, खोल श्वास घेण्याचा सराव त्यांना शांत राहण्यास आणि तणाव, पॅनीक अटॅक आणि अस्वस्थता टाळण्यास शिकवेल. त्यामुळे मेंदू जलद कार्य करेल.
ताडासन-
मनाला चालना देण्यासाठी शरीर निरोगी असणे गरजेचे आहे. शरीरातील रक्त प्रवाह वाढवणारी अशी योगासने मेंदूला अधिक सक्रिय ठेवतात. ताडासन हे मुलांसाठी सर्वात सोपे योगासन आहे. पण ते मन आणि शरीर जोडण्यावर आणि लक्ष केंद्रित करण्यावर भर देते. योगासनांसह श्वासोच्छ्वासाचा सराव केला असता, मन पूर्णपणे प्रसन्न आणि शांत होते.
वृक्षासन-
वृक्षासन मुलांच्या शरीरात संतुलन निर्माण करण्यास मदत करते. हे मनाचे लक्ष देखील संतुलित करते.
पश्चिमोत्तासन-
सतत बसून अभ्यास केल्यामुळे मुलाच्या कंबरेत व पाठीत दुखू नये. यासाठी रोज पश्चिमोत्तासन करावे. कारण शरीराला योग्य आकार आणि मुद्रा ठेवणे देखील महत्त्वाचे आहे. मुलांना अभ्यासामुळे शरीराच्या नकारात्मकतेला सामोरे जावे लागणार नाही याची काळजी घेणे ही पालकांची जबाबदारी आहे. शारीरिक परिश्रम त्यांना तंदुरुस्त आणि निरोगी तर ठेवतातच शिवाय बुद्धीला तल्लकही बनवतात.
सर्वांगासन-
जमिनीवर झोपून संपूर्ण शरीर वर उचलून फक्त खांदे जमिनीवर ठेवण्याची प्रथा म्हणजे सर्वांगासन. असे केल्याने मुलाचे मन आणि शरीर जोडले जाते.
हलासना-
सर्वांगासनासोबतच हलासनाचाही सराव करा. यामुळे पाठदुखीसारख्या समस्या उद्भवणार नाहीत. पोटातील अपचनाच्या समस्येपासूनही तुम्हाला आराम मिळेल. हलासनामुळे मुलांचे मन सतर्क राहण्यास आणि योग्य संतुलन राखण्यास मदत होते.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
