Weight Loss Drink : लटकतं पोट कमी करायचंय? मग नक्की प्या ‘हे’ फॅट कटर ड्रिंक! कसं बनवायचं जाणून घ्या…

आहार आणि वर्कआउटची काळजी घेणे महत्त्वाचे!

प्रसिद्ध योगगुरू हंसाजी योगेंद्र यांनी आपल्या यूट्यूब चॅनेलवर एक व्हिडिओ शेअर केला आहे, ज्यामध्ये त्यांनी अत्यंत प्रभावी आणि सुरक्षित आयुर्वेदिक वजन कमी करण्याच्या पेयाची रेसिपी शेअर केली आहे. हे पेय आपल्या पोटाची चरबी लवकर बर्न करण्यास मदत करते. दररोज रात्री झोपण्यापूर्वी याचे सेवन करावे. हंसाजी योगेंद्र यांच्यानुसार महिनाभर सतत याचे सेवन केल्याने पोटावरील चरबी लक्षणीय गतीने कमी होते. तथापि, आपला आहार आणि वर्कआउटची काळजी घेणे देखील खूप महत्वाचे आहे. हे वजन कमी करणारे पेय केवळ वजन कमी करण्यासाठीच नाही तर, संपूर्ण आरोग्यासाठी फायदेशीर आहे.

weight loss tips: नववर्षापूर्वी वजन कमी करायचं आहे? मग याप्रकारे करा फ्लॉवरचे सेवन, वितळेल चरबी

कसे बनवायचे बेली फॅट कटर ड्रिंक?

योगगुरू हंसाजी योगेंद्र यांनी सांगितलेले बेली फॅट कटर ड्रिंक बनवण्यासाठी सर्वप्रथम एका भांड्यामध्ये दीड कप पाणी घ्यावे. आता त्यात दालचिनीचे दोन तुकडे घाला आणि साधारण १० मिनिटे उकळेपर्यंत चांगले शिजू द्या. दालचिनी खराब कोलेस्ट्रॉलची पातळी कमी करण्यास मदत करते, तसेच चयापचय वाढवते, ज्यामुळे वजन कमी होण्यास खूप मदत होते.

आता दहा मिनिटे खळखळून उकळल्यावर, त्यात सुमारे एक इंच आल्याचा तुकडा घाला. मंद आचेवर पुन्हा १० मिनिटे काढा उकळू द्या. आले चयापचय देखील वाढवते, तसेच रक्तातील साखरेची पातळी व्यवस्थापनात खूप उपयुक्त आहे. आता हे पेय उकळताना त्यात पाव चमचा गुग्गुळ पावडर घाला. याचबरोबर पाव चमचा गार्सिनिया पावडर घालून पेय थोडा वेळ उकळू द्यावे.

गुग्गुल आणि गार्सिनिया दोन्ही आपले वजन कमी करण्यासाठी खूप प्रभावी आहेत. ते तुम्ही कोणत्याही आयुर्वेदिक दुकानातून सहज खरेदी करू शकता. आता हे वजन कमी करणारे पेय एका ग्लासमध्ये काढून त्यात चिमूटभर हळद घाला. हळदीमध्ये कर्क्युमिन असते जे, वजन व्यवस्थापनासाठी खूप उपयुक्त आहे. आता हे पेय नीट मिक्स करा आणि गरम चहासारखे प्या. 

(साभार- द योगा इन्स्टिट्यूट)

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )