Egg Yolk Side Effects: या ३ परिस्थितीत घातक ठरू शकते अंड्यातील पिवळ बलक, जाणून घ्या कारण
Health Care Tips: अंडी खाणे आरोग्यासाठी फायदेशीर म्हटले जाते. पण तुम्हाला माहीत आहे का आरोग्याच्या काही स्थितींमध्ये अंड्यातील पिवळा बलक खाणे टाळले पाहिजे. याबाबत जाणून घ्या सविस्तर
Side Effects of Egg Yolk: अंडी हे सुपरफूड आहे. आहारात प्रथिने समाविष्ट करण्यासाठी तज्ञ अंडी खाण्याचा सल्ला देतात. पण काही लोकांसाठी अंड्यातील पिवळ बलक खाणे हानिकारक असू शकते. बऱ्याचदा तुम्ही पाहिले असेल की काही लोक अंडी खाण्यापूर्वी अंड्यातील पिवळ बलक काढून टाकतात. काही विशिष्ट आरोग्य परिस्थितींमध्ये हे करणे योग्य आहे. अशा कोणत्या आरोग्य परिस्थितींमध्ये अंड्यातील पिवळ बलक खाऊ नये हे जाणून घ्या.
या ३ आरोग्य स्थितींमध्ये अंड्यातील पिवळ बलकचे सेवन करू नये
जेव्हा कोलेस्ट्रॉलची पातळी वाढते
अंडी हा प्रथिनांचा उत्कृष्ट स्रोत आहे, जो आरोग्यासाठी खूप फायदेशीर मानला जातो. पण अंड्यातील पिवळ्या भागात कोलेस्ट्रॉलचे प्रमाण जास्त असते. नॅशनल लायब्ररी ऑफ इंडियाने प्रकाशित केलेल्या अभ्यासानुसार हृदयविकार असताना ते खाऊ नये. जर एखाद्या व्यक्तीला हृदयविकाराचा त्रास होत असेल किंवा त्यांच्या शरीरात कोलेस्ट्रॉलचे प्रमाण वाढले असेल तर त्यांनी आहारात अंड्यातील पिवळ बलक समाविष्ट करणे टाळावे. त्याच्या सेवनाने शरीरातील फास्टिंग सीरम कोलेस्ट्रॉलची पातळी वाढू शकते. त्यामुळे परिस्थिती आणखी खराब होते.
वेट लॉस डाएट आणि जिम करणारे
अंड्यांमध्ये अनेक महत्त्वाचे पोषक घटक आढळतात विशेषत: ते प्रथिनांचे उत्कृष्ट स्रोत आहे. अशा स्थितीत जे लोक वेट लॉस डायट फॉलो करत आहेत किंवा मसल्स वाढवण्यासाठी जिम करत आहेत, ते दिवसातून जास्त अंडी खातात. अंड्याच्या पिवळ्या भागात कोलेस्ट्रॉल आढळते. अंदाजे एका अंड्यामध्ये १८६ मिलीग्राम कोलेस्ट्रॉल असते आणि हे संपूर्ण कोलेस्ट्रॉल अंड्याच्या पिवळ्या भागामध्ये आढळते. जर तुम्ही नियमितपणे ५ ते ६ अंडी खात असाल आणि पिवळा भाग काढून टाकत नसाल तर तुमच्या शरीरातील कोलेस्ट्रॉलची पातळी वाढू शकते. म्हणूनच जे लोक डायटिंग करतात त्यांनी अंड्याचा पिवळा भाग खाण्यापूर्वी काढून टाकावा. टेस्टोस्टेरॉन तयार करण्यासाठी कोलेस्ट्रॉल महत्त्वपूर्ण आहे, जे ऊर्जा वाढवते आणि स्नायू तयार करण्यास मदत करते. पण तुम्हाला आहारात इतर माध्यमांद्वारे कोलेस्टेरॉल मिळते. तुम्ही अंड्यातील पिवळ बलकातील इतर महत्त्वाचे पोषक घटक जसे लोह, व्हिटॅमिन बी २, व्हिटॅमिन बी १२, व्हिटॅमिन डी हे मिळविण्यासाठी एका अंड्यातील पिवळ बलक खाऊ शकता आणि उर्वरित अंड्याचा पांढरा भाग खावे.
मधुमेही रुग्ण
मधुमेहामध्ये रक्तातील साखरेची पातळी नियंत्रित करण्यासाठी अंडी हा एक आरोग्यदायी पर्याय मानला जातो. अंड्यांचा ग्लायसेमिक इंडेक्स खूपच कमी असतो. म्हणून त्याला डायबिटिक फूड म्हणूनही ओळखले जाते. दुसरीकडे हे जाणून घेणे देखील महत्वाचे आहे की मधुमेहाच्या रुग्णांना हृदयविकाराचा धोका जास्त असतो आणि अंड्यातील पिवळ्या भागात मोठ्या प्रमाणात कोलेस्ट्रॉल आढळते. जर तुम्ही रक्तातील साखरेची पातळी नियंत्रित करण्यासाठी अंडी खात असाल आणि पिवळा भाग देखील घेत असाल तर हृदयाशी संबंधित समस्यांचा धोका वाढू शकतो. मधुमेहाच्या रुग्णांचे हृदय इतर लोकांच्या तुलनेत कमकुवत असते. त्यामुळे ही समस्या टाळण्यासाठी तुम्ही अंडी खाता तेव्हा अंड्यातील पिवळ बलक काढण्याचा प्रयत्न करा. यासोबतच जर तुम्हाला हवे असेल तर तुम्ही तुमच्या आहारात फक्त एक अंड्यातील पिवळ बलकचा समावेश करू शकता.
आहारात अंड्यातील पिवळ बलक किती प्रमाणात सुरक्षित आहे?
हार्वर्ड स्कूल ऑफ पब्लिक हेल्थने प्रकाशित केलेल्या अभ्यासानुसार मधुमेही रुग्णाने दररोज एकापेक्षा जास्त अंडी खाल्ल्यास त्यांना हृदयविकाराचा धोका वाढतो. अभ्यासानुसार मधुमेह आणि हृदयविकाराचा त्रास असलेल्या व्यक्तीने आठवड्यातून फक्त तीन अंड्यातील पिवळ बलक खावे. एक निरोगी तरुण व्यक्ती दररोज एक संपूर्ण अंडे (अंड्यातील बलकासह) खाऊ शकतो. जर तुम्ही जिममध्ये जात असाल किंवा वेट लॉस डायट करत असाल तर तुम्ही एकापेक्षा जास्त अंडी खाऊ शकता, पण अंड्यातील पिवळ बलक काढण्यास विसरू नका.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या