Mosquito Bites: इतरांपेक्षा तुम्हाला जास्त मच्छर चावतात? असू शकतात ‘ही’ ५ कारणं; जाणून व्हाल थक्क!

१) शरीराचे तापमान

असे मानले जाते की, ज्या लोकांच्या शरीराचे तापमान जास्त असते, अशा लोकांवर डास अनेकदा जास्त बसतात. मादी डास देखील उष्णतेकडे आकर्षित होतात आणि उष्णतेचे इतर स्त्रोत असले तरीही लोकांच्या दिशेने जाण्याचा पर्यायच ते निवडू शकतात. त्यामुळे थंड वातवरणात बाहेर गेल्यास तुम्हाला डासांच्या चाव्याला सामोरे जावे लागू शकते.

२) या रक्तगटाच्या लोकांना असते अधिक समस्या

तुम्ही नक्की कधीना कधी आपल्या आई-बाबांना विचारलेच असेल की, डास मलाच जास्त का चावतात? तेव्हा तुम्हाला उत्तर मिळाले असेल की, तुझे रक्त गोड असेल. तर, ज्यांचा रक्तगट ओ आहे, त्यांच्या रक्ताकडे डास अधिक आकर्षित होतात, असे काही अहवालात म्हटले गेले आहे. अशा लोकांना डास जास्त चावतात.

Makeup Tips: डार्क ओठांवर हलक्या रंगाची लिपस्टिक लावता येत नाही का? या मेकअप टिप्स करतील मदत

३) शरीराच्या गंधाने होतात प्रभावित

शरीराची दुर्गंधी, घामाचा वास याचाही डासांवर परिणाम होतो. जर तुमची त्वचा स्वच्छ असेल तर डास कमी आकर्षित होतील. आपल्या त्वचेवर बॅक्टेरिया असल्यास डास अधिक आकर्षित होतात, असे काही अहवालात म्हटले आहे.

४) कार्बन डायऑक्साईडचा वास करतो आकर्षित

कार्बन डायऑक्साईडचा वासही डासांना माणसांकडे वेगाने आकर्षित करतो. मादी डास आपल्या संवेदन अवयवातून कार्बन डायऑक्साईडचा वास ओळखून मानवी शरीराकडे आकर्षित होतात. डास चावण्याचे हेही एक कारण आहे. युरीक अ‍ॅसिड, लॅक्ट अ‍ॅसिडी, अमोनियाचा वासही डासांना आकर्षित करतो, असेही काही अहवालात म्हटले आहे.

५) बिअर पिणाऱ्यांना चावतात डास

काही रिपोर्टमध्ये असेही म्हटले आहे की, बिअर प्यायल्यानंतर घामामध्ये इथेनॉलचा वास मिसळतो, यामुळे डास तुमच्यावर हल्ला करू शकतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)