Monsoon Health Tips: पावसाळ्यात वाढतो डायरियाचा धोका, लगेच आराम देतील हे घरगुती उपाय
Monsoon Health Tips: चुकीचा आहार, दूषित पाणी, वातावरणातील ओलावा, बुरशी आणि स्वच्छतेची काळजी न घेतल्याने या ऋतूत अतिसार होण्याची शक्यता जास्त राहते. यापासून आराम मिळवण्यासाठी हे घरगुती उपाय मदत करतील.
Home Remedies for Diarrhea and Stomach Problem in Monsoon: पावसाळा कडक ऊन आणि उष्णतेपासून मुक्त होण्याबरोबरच आरोग्याच्या अनेक प्रकारच्या समस्या घेऊन येतो. या ऋतूत बॅक्टेरियाच्या संसर्गाचा धोका अनेक पटींनी वाढतो. चुकीचे अन्न, दूषित पाणी, वातावरणातील ओलावा, फंगस आणि स्वच्छतेची काळजी न घेतल्याने या ऋतूत डायरिया म्हणजेच अतिसार होण्याची शक्यता अधिक असते. अतिसारामध्ये रुग्णाला वारंवार पाण्यासारखे पातळ मल येणे, पोटात मुरडा येणे आणि वेदना, मळमळ आणि उलट्या, ताप, थकवा आणि अशक्तपणा अशी लक्षणे दिसून येतात. जे घरच्या घरी काही घरगुती उपाय करून बरे केले जाऊ शकतात. जाणून घ्या पावसाळ्यात डायरिया आणि पोटाच्या समस्यांना पासून आराम मिळवण्यासाठी घरगुती उपाय
डायरिया पासून आराम देतील हे घरगुती उपाय
केळी
पावसाळ्यात पोट बिघडल्यास पौष्टिकतेने समृद्ध केळीच्या उपायाने आराम मिळू शकतो. केळीमध्ये असलेले प्रथिने, फोलेट आणि फायबर सारखे पोषक घटक पोटाच्या त्रासात आराम देतात. यात असलेले पेक्टिन पोटाची दुरुस्ती करून मल घट्ट करण्यास मदत करते. केळीच्या सेवनाने पोटाला आराम देण्यासोबतच शरीरातील पोटॅशियमची कमतरताही भरून काढते.
द्रव पदार्थ
पावसाळ्यात पोट बिघडत असेल तर जास्त प्रमाणात द्रव पदार्थांचे सेवन करण्याचा सल्ला दिला जातो. कारण हे पचायला सोपे असते आणि शरीराला हायड्रेटेड देखील ठेवते. कधी कधी शरीरातील डिहायड्रेशनमुळे देखील एखाद्या व्यक्तीचे पोट खराब होऊ शकते. अशावेळी आहारात नारळ पाणी, दही आणि ओआरएसचा समावेश केल्यास आराम मिळू शकतो.
ओवा
जेवण केल्यानंतर अर्धा चमचा ओवा खाल्ल्याने पोटात जडपणा, पोटदुखी आणि गॅसची समस्या अशा पचनाच्या समस्यांपासून आराम मिळतो. तुम्हाला नुसता ओवा खायला आवडत नसेल तर तुम्ही मुखवास मध्ये टाकून खाऊ शकता.
ओआरएस
ओआरएस म्हणजेच ओरल रिहायड्रेशन सोल्यूशन घ्या. अतिसार दरम्यान शरीरातील पाण्याची कमतरता भरून काढण्यासाठी ओआरएस घ्या. ते बनवण्यासाठी एक लिटर पाण्यात थोडे मीठ आणि ७ चमचे साखर घाला.
आल्याचा रस
आल्याचा रस प्यायल्याने पोटदुखी आणि पोटातील मुरडापासून आराम मिळतो. यासाठी या ऋतूत रोज थोड्या प्रमाणात आल्याच्या चहाचे सेवन करावे. हा उपाय केल्याने रोगप्रतिकार शक्ती वाढते. ज्यामुळे शरीराला इन्फेक्शनशी लढण्यास मदत होते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या