Health Tips: ताप आल्यावर डॉक्टरांकडे कधी जावं? आधीच घ्या खबरदारी, प्रकृती बिघडायला लागणार नाही वेळ
Monsoon Health Care Tips: पावसाळ्यात तब्येत बिघडली असेल आणि ताप आला असेल तर घरगुती उपाय सोडून डॉक्टरांकडे जाणे केव्हा आवश्यक आहे हे जाणून घेणे गरजेचे आहे.
Precaution Tips in Fever: पावसाळ्यात बॅक्टेरिया आणि विषाणू वेगाने पसरतात. याचे कारण आर्द्रता आणि दमट उष्णता असते, जे या जीवाणू आणि विषाणूंच्या वाढीसाठी सर्वात सोपा ऋतू आहे. अशा वेळी प्रत्येक घरात कोणी ना कोणी आजारी पडते. सध्या सर्वत्र व्हायरल ताप पसरलेला दिसतो. पण अनेक जण ताप आल्यावर एक-दोन दिवस डॉक्टरांकडे जात नाहीत आणि घरगुती उपाय करून पाहतात. अशा वेळी आजारी व्यक्तीला डॉक्टरांच्या सल्ल्याने औषध केव्हा द्यायचे हे जाणून घेणे गरजेचे आहे. पावसाळ्यात अनेक प्रकारचे विषाणू पसरतात. हे विषाणू ओळखण्यासाठी आणि शरीरात त्यांना रोखण्यासाठी वेळीच डॉक्टरांची मदत घेणं गरजेचं आहे.
पावसाळ्यात तुम्ही आजारी का पडता?
पावसाच्या पाण्यात भिजले तर सर्दी-खोकला होणारच असतो. दुसरीकडे डेंग्यू, मलेरियाचा डास चावला तर तापसारखी सौम्य लक्षणेच प्रथम दिसून येतात. काही वेळा शरीरात पाण्याची कमतरता, शिळे अन्न किंवा संक्रमित अन्न खाल्ल्याने देखील तब्येत बिघडते.
डॉक्टरांकडे कधी जाणे आवश्यक आहे
आजारी पडण्याची कोणतीही लक्षणे असतील, ताप वाढत आहे किंवा फूड पॉयझनिंगसारखी समस्या असणे आवश्यक आहे. सलग तीन दिवस ताप कायम राहिल्यास आजारी व्यक्तीला घरगुती उपचारांऐवजी डॉक्टरांशी संपर्क साधून औषध देणे गरजेचे आहे. जेणेकरून ताप लवकरात लवकर कमी होईल आणि आरोग्य बरे होईल.
ही लक्षणं दिसल्यास डॉक्टरांशी संपर्क साधा
जर ताप 102°F पेक्षा जास्त होत असेल आणि त्यावरून खाली येत नसेल तर डॉक्टरांचा सल्ला घेणे महत्वाचे आहे. ताप आल्याने थरथरी सुटली असल्यास किंवा अंगदुखी, थकवा, अशक्तपणा, कधी व्हायरल तर कधी डेंग्यू, मलेरिया ही लक्षणे असू शकतात.
तापासोबत श्वास घेण्यास अडचण
इन्फ्लूएंझा किंवा फ्लूसारखा व्हायरल झाल्यास तापासह श्वास घेण्यास त्रास होऊ शकते. सामान्य तापातही अनेक रुग्णांना श्वास घेण्यास त्रास होऊ लागतो. नाक बंद पडल्यास, घसा दुखणे, खोकला झाल्यास श्वास घेण्यासही त्रास होतो.
मळमळ, उलट्या, अतिसार झाल्यास अनेकांना तापही येतो. अशावेळी आधी पोटातील इन्फेक्शन दूर करणं गरजेचं आहे. यामुळे तापही हळूहळू कमी होतो.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)