Food Poisoning: पावसाळ्यात वाढतो फूड पॉइजनिंगचा धोका, काय आहेत त्याची प्राथमिक लक्षणं?
Monsoon Health Care Tips: खाण्या-पिण्याशी संबंधित गडबड झाल्यास शरीर गंभीर आजारांना बळी पडू शकते. म्हणूनच आपण काय खात आहात याची काळजी घेतली पाहिजे. फूड पॉयझनिंगची लक्षणं जाणून घ्या
Signs and Symptoms of Food Poisoning: खराब किंवा घाणेरड्या अन्नामुळे अनेक समस्या उद्भवण्याचा धोका असतो. फूड पॉयझनिंग ही देखील अन्नाशी संबंधित समस्या आहे. जेव्हा एखादी व्यक्ती योग्य डाएट रूटीन फॉलो करत नाही, तेव्हा या समस्येमुळे अतिसार, पोटदुखीसह अनेक समस्या वाढू शकतात. चला तर मग जाणून घेऊया जेव्हा फूड पॉइजनिंगची समस्या उद्भवते तेव्हा शरीरात पहिली लक्षणे कोणती असतात.
फूड पॉइजनिंग होण्याचे कारणं
१. संक्रमित पाण्याचा वापर केल्याने फूड पॉयझनिंग होऊ शकते. दुसरीकडे जर जास्त अन्न खाल्ले तर सुद्धा फूड पॉयझनिंग होऊ शकते.
२. स्वयंपाकाची भांडी घाणेरडी असल्यास किंवा भाज्या व फळे न धुता खाल्ल्यास फूड पॉयझनिंग होऊ शकते.
३. डेअरी आणि मांसाहारी गोष्टी नीट न ठेवल्यास ही समस्या उद्भवू शकते. दुग्धजन्य पदार्थ खोलीच्या तापमानावर ठेवल्यास किंवा मांसाहारी पदार्थ नीट शिजवले नाहीत तर फूड पॉयझनिंग होऊ शकते.
४. संक्रमित व्यक्तीने हात न धुता अन्न तयार केल्यास फूड पॉयझनिंग होण्याचा धोका असू शकतो.
फूड पॉइजनिंग होण्याचे प्राथमिक लक्षणं
बहुतेक प्रकरणांमध्ये अन्न खाल्ल्यानंतर काही तासांनी फूड पॉइजनिंग म्हणजे अन्न विषबाधाची लक्षणे दिसून येतात. यात ओटीपोटात दुखणे आणि मुरडा येणे, त्यानंतर उलट्या आणि वेदना यांचा समावेश आहे. हळूहळू त्याची लक्षणे वाढतात. या समस्येमुळे डोकेदुखी, ताप, जास्त अशक्तपणा आणि चक्कर येणे देखील होऊ शकते. तसे न केल्यास स्टूलमध्ये किंवा उलटीमध्ये रक्त येणे, श्वास लागणे आणि पोट फुगणे यासह गंभीर लक्षणे दिसू लागतात.
पावसाळ्याच्या दिवसात ही समस्या कशी टाळता येईल?
पावसाळ्यात भाजीपाला व फळे स्वच्छ धुवून साफ करावीत. याशिवाय पावसाळ्यात बाहेरचे खाणे-पिणे टाळणे चांगले. याशिवाय स्ट्रीट फूड, जास्त तेलकट पदार्थ खाण्यापासून स्वत:ला दूर ठेवा.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)