मराठी बातम्या  /  लाइफस्टाइल  /  Morning Habits: चांगल्या मानसिक आरोग्यासाठी सकाळी करा या गोष्टी, मूड बूस्ट करण्यासाठी आहे बेस्ट

Morning Habits: चांगल्या मानसिक आरोग्यासाठी सकाळी करा या गोष्टी, मूड बूस्ट करण्यासाठी आहे बेस्ट

Hiral Shriram Gawande HT Marathi
May 14, 2024 11:31 PM IST

Mental Health Awareness Week: शारीरिक आरोग्यासोबतच मानसिक आरोग्याचीही योग्य काळजी घेणे आवश्यक आहे. अशा परिस्थितीत तुम्ही सकाळी काही सवयी लावा, ज्यामुळे तुमचे मानसिक आरोग्य चांगले राहते.

चांगल्या मानसिक आरोग्यासाठी मॉर्निंग हॅबिट्स
चांगल्या मानसिक आरोग्यासाठी मॉर्निंग हॅबिट्स (unsplash)

Morning Habits for Good Mental Health: मानसिक आरोग्याला गांभीर्याने घेणे फार महत्वाचे आहे. बहुतेक लोक शारीरिक आरोग्याची पूर्ण काळजी घेतात पण मानसिक आरोग्याकडे दुर्लक्ष करतात. त्यामुळे लोक तणाव आणि चिंता यांसारख्या समस्यांना सामोरे जातात. जर एखाद्या व्यक्तीला तणावाची समस्या असेल तर लोकांना निद्रानाश, अपचन, खराब मूड इत्यादी समस्यांचा सामना करावा लागतो. येथे जाणून घ्या अशा काही मॉर्निंग हॅबिट्स ज्याचा अवलंब करून तुम्ही तुमचे मानसिक आरोग्य चांगले ठेवू शकता आणि तुमचा मूड देखील चांगला राहील.

ट्रेंडिंग न्यूज

काही वेळ उन्हात राहणे आवश्यक

सूर्यप्रकाश किंवा सकाळचे ऊन हॅपी हार्मोनला प्रोत्साहन देऊ शकते आणि मानसिक आरोग्य समस्या असलेल्या लोकांसाठी खूप फायदेशीर ठरू शकते. मेलाटोनिनची पातळी कमी करण्यासाठी थोडासा सूर्यप्रकाश आवश्यक आहे, असे केल्याने दिवसभर मूड चांगला राहण्यास मदत होईल.

ब्रीदिंग एक्सरसाइज करा

सकाळी काही मिनिटे ब्रीदिंग एक्सरसाइज केल्याने एखाद्या व्यक्तीचे मन एकाग्र होण्यास आणि चिंता आणि तणाव कमी होण्यास मदत होते. दररोज असे केल्याने एखादी व्यक्ती डिप्रेशनच्या समस्येपासून स्वतःला वाचवू शकते.

दररोज सकाळी संतुलित नाश्ता करा

रोज सकाळी संतुलित नाश्ता केल्याने तुमच्या रक्तातील साखरेवर नियंत्रण ठेवण्यास आणि तुमच्या शरीराला दिवसभर ऊर्जा देण्यास मदत करू शकते. नियंत्रित पद्धतीने खाल्ल्याने मन सुद्धा शांत राहते.

रोजची उठण्याची वेळ सेट करा

सकाळची नियमित दिनचर्या स्वीकारणे हा यशस्वी दिवसासाठी स्वतःला सेट करण्याचा एक उत्तम मार्ग आहे, विशेषत: जर कोणी नैराश्याशी झुंज देत असेल. जेव्हा तुम्ही दररोज एकाच वेळी उठता, तेव्हा तुम्ही तुमच्या झोपेची गुणवत्ता सुधारू शकता, ज्यामुळे नैराश्याची लक्षणे सुधारू शकतात.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel