Mahashivratri 2024: महाराष्ट्रात आहेत ही ५ ज्योतिर्लिंग, यांच्याबद्दल तुम्हाला माहीत आहे का?
Travel Tips: भगवान शिवाच्या १२ ज्योतिर्लिंगांपैकी काही प्रसिद्ध ज्योतिर्लिंग महाराष्ट्रात आहेत. महाशिवरानिमित्त महाराष्ट्रातील ५ प्रसिद्ध ज्योतिर्लिंगांविषयी जाणून घेऊया.
Jyotirlinga in Maharashtra: महादेवाच्या भक्तांसाठी महाशिवरात्री हा सर्वात मोठा दिवस आहे. यंदा महाशिवरात्री ८ मार्च रोजी साजरी होणार आहे. या निमित्ताने बहुतेक लोक भगवान शिवाच्या विविध मंदिरांमध्ये दर्शन करण्यासाठी जातात. भारतात १२ प्रमुख ज्योतिर्लिंग मंदिरे आहेत, त्यापैकी पाच महाराष्ट्रात आहेत. आज आम्ही तुम्हाला महाशिवरात्रीच्या निमित्ताने महाराष्ट्रातील प्रसिद्ध ज्योतिर्लिंगांविषयी सांगत आहोत. जाणून घ्या.
महाराष्ट्रातील ५ ज्योतिर्लिंगे ( 5 jyotirlinga in maharashtra)
भीमाशंकर ज्योतिर्लिंग मंदिर
भीमाशंकर ज्योतिर्लिंग पुण्यापासून १०० किमी अंतरावर आहे आणि भारतातील बारा ज्योतिर्लिंगांपैकी एक मानले जाते. हे मंदिर सह्याद्रीच्या डोंगररांगांमध्ये सुमारे ३,२५० फूट उंचीवर आहे. हे ठिकाण भीमाशंकर वन्यजीव अभयारण्यासह ट्रेकर्ससाठी एक उत्तम ठिकाण आहे. भीमाशंकर मंदिर उघडण्याची वेळ पहाटे ४.३० आणि बंद करण्याची वेळ रात्री ९.३० वाजता आहे.
त्र्यंबकेश्वर ज्योतिर्लिंग मंदिर
त्र्यंबकेश्वर मंदिरात ब्रह्मा, विष्णू आणि महेश या तीन देवांची लहान लिंगांमध्ये पूजा केली जाते. नाशिकपासून सुमारे २८ किमी अंतरावर असलेले हे मंदिर त्र्यंबक येथील ब्रह्मगिरी डोंगरावर आहे. त्र्यंबकेश्वर मंदिर उघडण्याची वेळ सकाळी ५.३० आणि बंद करण्याची वेळ रात्री ९ वाजता आहे.
घृष्णेश्वर ज्योतिर्लिंग मंदिर
घृष्णेश्वर मंदिर हे महाराष्ट्रातील औरंगाबाद येथे असलेल्या १२ ज्योतिर्लिंगांपैकी एक आहे. हे मंदिर युनेस्कोने जागतिक वारसा स्थळ मानले आहे. घृष्णेश्वर मंदिराच्या गर्भगृहाच्या आत, पुरुषांना त्यांचे वरचे कपडे काढावे लागतात. हे एकमेव ज्योतिर्लिंग आहे जिथे भक्त शिवलिंगाला हाताने स्पर्श करू शकतात. घृष्णेश्वर मंदिर उघडण्याची वेळ सकाळी ५.३० वाजता आहे, तर बंद होण्याची वेळ रात्री ९.३० वाजता आहे.
औंढा नागनाथ ज्योतिर्लिंग मंदिर
औंढा नागनाथ हे महाराष्ट्रातील हिंगोली जिल्ह्यात आहे. जिथे नागनाथाची पूजा केली जाते. हे मंदिर १२ ज्योतिर्लिंगांपैकी एक आणि महाराष्ट्रातील ५ ज्योतिर्लिंगांपैकी एक मानले जाते. या मंदिरात प्रार्थना केल्याने भक्त सर्व प्रकारच्या विषापासून स्वतःचे रक्षण करू शकतो, असे म्हटले जाते. औंढा नागनाथ मंदिर उघडण्याची वेळ सकाळी ४ वाजता आहे, तर बंद होण्याची वेळ रात्री ९ वाजता आहे.
परळी वैजनाथ ज्योतिर्लिंग मंदिर
परळी वैजनाथ ज्योतिर्लिंग परळी, महाराष्ट्र येथे आहे. हे मंदिर विशेषत: भगवान शिव भक्तांसाठी एक तीर्थक्षेत्र मानले जाते. या ठिकाणी रावणाने शिवाची पूजा केली असे सांगितले जाते. परळी वैजनाथ मंदिर उघडण्याची वेळ सकाळी ५ वाजता आणि बंद करण्याची वेळ रात्री ९ वाजता आहे.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या