मराठी बातम्या  /  लाइफस्टाइल  /  Jamun Eating Tips: जांभूळ खाण्याची सर्वोत्तम वेळ कोणती? जाणून घ्या दिवसभरात किती खावे

Jamun Eating Tips: जांभूळ खाण्याची सर्वोत्तम वेळ कोणती? जाणून घ्या दिवसभरात किती खावे

Jul 07, 2024 05:03 PM IST

Health Care Tips: जांभूळ हे एक प्रकारचे बेरी आहे, जे मधुमेहाच्या रुग्णांसाठी खूप फायदेशीर आहे. पण तुम्हाला माहित आहे का जांभूळ खाण्याची योग्य वेळ कोणती आणि दररोज किती खावे?

जांभूळ खाण्याची सर्वोत्तम वेळ
जांभूळ खाण्याची सर्वोत्तम वेळ (freepik)

Best Time To Eat Jamun: जांभूळ हे उन्हाळ्याच्या शेवटी आणि पावसाळ्याच्या सुरुवातीला खाल्ले जाणारे चवदार फळ आहे. पोषक तत्वांनी समृद्ध असलेले जांभूळ फळ मधुमेहाच्या रुग्णांसाठी खूप फायदेशीर मानले जातात. जांभूळमध्ये ग्लुकोजचे प्रमाण कमी असल्याने मधुमेहाच्या रुग्णांसाठी हे वरदान ठरते. यामुळे रोगप्रतिकार शक्ती वाढते आणि हृदयही निरोगी राहते. पण तुम्हाला जांभूळ खाण्याची योग्य वेळ आणि दिवसभरात किती खावे हे माहीत आहे का? येथे जाणून घ्या जांभूळ खाण्याची सर्वोत्तम वेळ आणि दररोज किती जांभूळ खावे.

फायदेशीर आहे जांभूळ

जांभूळमध्ये व्हिटॅमिन सी आणि लोह चांगल्या प्रमाणात असते. हे फळ हिमोग्लोबिन वाढवते आणि त्यातील लोह रक्त शुद्धीकरणाचे काम करते. याशिवाय अॅस्ट्रिंजंट गुणधर्मांनी समृद्ध असलेले हे फळ त्वचेचे डाग, पिंपल्स, सुरकुत्या आणि मुरुमांपासून संरक्षण करते. जांभूळ अँटीऑक्सिडंट्स आणि पोटॅशियम सारख्या खनिजांचा चांगला स्रोत आहे, जो हृदयाच्या त्रासापासून दूर ठेवण्यासाठी फायदेशीर आहे.

ट्रेंडिंग न्यूज

कोणत्या वेळी खावे जांभूळ

कोणतेही फळ खाण्याची योग्य वेळ तुम्हाला माहित असेल तर त्याचा खूप फायदा होऊ शकतो. जांभूळ किती वाजता खायचे हा मोठा प्रश्न आहे. रिपोर्टनुसार हे फळ तुम्ही दिवसभरात केव्हाही खाऊ शकता. तथापि जांभूळ खाण्याची सर्वोत्तम वेळ म्हणजे जेवण केल्यानंतर आहे. हे तुमची चयापचय क्रिया वेगवान होण्यास मदत करेल आणि अन्न सहज पचण्यास ही मदत करेल. हे फळ रिकाम्या पोटी खाणे टाळले पाहिजे.

दिवसभरात किती जांभूळ खावे

जांभूळाचे फायदे मिळवण्यासाठी तुम्ही एका दिवसात १०० ग्रॅम जांभूळ खाऊ शकता. जांभूळाच्या रसाबद्दल बोलायचे झाले तर तुम्ही दिवसातून ३-४ चमचे ते घेऊ शकता.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel