वॉटर पार्क किंवा स्विमिंग पूलमध्ये मजा करायची आहे? लक्षात ठेवा हे सेफ्टी रूल

सुरक्षिततेचे नियम जाणून घेणे महत्वाचे

पूल किंवा वॉटर पार्कमध्ये जाणाऱ्या सर्व लोकांना पोहणे येत नाही. अशावेळी बुडू नये म्हणून सुरक्षेच्या काही नियमांची माहिती असणे गरजेचे आहे. जेणेकरून तुमच्यासोबत कोणताही अनुचित प्रकार घडू नये.

फॉलो करा सेफ्टी रूल

वॉटर पार्क किंवा स्विमिंग पूलमध्ये जात असाल तर जवळ उपस्थित असलेल्या इन्स्ट्रक्टरच्या सूचनांचे अवश्य पालन करा. तसेच सेफ्टी किट सोबत ठेवा. लहान मुलांसाठी रबर ट्यूब आणि हँड ट्यूब घाला. त्याचबरोबर मोठ्यांचीही काळजी घ्या.

खोल पाण्यात जाणे टाळा

पोहायला येत नसेल तर आपल्या उंचीपेक्षा जास्त खोली असलेल्या पूलमध्ये जाऊ नका. एवढ्या खोल पाण्याच्या भागात जाणे पूर्णपणे टाळा. कारण थोडासा निष्काळजीपणा जीवघेणा ठरू शकतो.

जाणून घ्या बुडण्यापासून वाचण्याचा हा नियम

पोहायला येत नसेल आणि तुम्ही खोल पाणी असलेल्या ठिकाणी पोहोचला असाल तर पॅनिक होऊ नका. आपले हात पाण्याखाली ठेवा. जेव्हा आपले हात पाण्याखाली असतील तेव्हा आपले डोके बाहेर राहील आणि आपण बुडणे टाळाल. त्याचबरोबर आरडाओरडा करून स्वत:ला वाचवण्यासाठी मदत मागू शकाल. जर आपले पाय पूलच्या तळाशी किंवा लेव्हलवर पोहोचत नसेल तर आपला हात आत ठेवा आणि आपले पाय हलवा. जेणेकरून तुम्ही झोपलेल्या अवस्थेत याल. या स्थितीत तुम्ही किनाऱ्यावर सहज पोहू शकाल. पण जर तुम्ही आपले हात वरच्या दिशेने उचलून पाण्याबाहेर काढले तर तुम्ही लगेच बुडू लागाल आणि मदत मागू शकणार नाही.

त्यामुळे जर तुम्हाला पोहायला येत नसेल आणि तुम्ही पूल किंवा वॉटर पार्क सारख्या ठिकाणी जात असाल तर बुडू नये म्हणून हा बेसिक नियम नक्की लक्षात ठेवा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)