मराठी बातम्या  /  लाइफस्टाइल  /  Clove Tea Benefits: वेट लॉसपासून ओरल हेल्थपर्यंत राखते लवंगाचा चहा, हे आहेत फायदे आणि बनवण्याची पद्धत

Clove Tea Benefits: वेट लॉसपासून ओरल हेल्थपर्यंत राखते लवंगाचा चहा, हे आहेत फायदे आणि बनवण्याची पद्धत

Hiral Shriram Gawande HT Marathi
Mar 27, 2024 11:47 AM IST

Clove Tea: आयुर्वेदानुसार लवंग केवळ जेवणाची चव वाढवत नाही तर अनेक रोगांवर उपचार करण्यासाठी देखील खूप फायदेशीर आहे. लवंगाचा चहा बनवण्याची पद्धत आणि त्याचे फायदे जाणून घ्या.

लवंगाचा चहा पिण्याचे फायदे
लवंगाचा चहा पिण्याचे फायदे (freepik)

Health Benefits of Clove Tea: जर तुमचा घसा दुखत असेल किंवा खोकला होत असेल तर तुम्ही अनेकदा लवंग चावून खाण्याचा सल्ला ऐकला असेल. आयुर्वेदानुसार लवंग केवळ जेवणाची चव वाढवत नाही तर अनेक रोगांवर उपचार करण्यासाठी देखील खूप फायदेशीर आहे. जर आपण लवंगमध्ये असलेल्या पोषक तत्वांबद्दल बोललो तर त्यात खनिजे, अँटीऑक्सिडंट्स, अँटी-मायक्रोबियल, अँटी-व्हायरल आणि वेदनाशामक गुणधर्म असतात, जे आरोग्यासाठी खूप फायदेशीर आहेत. चला जाणून घेऊया लवंगाचा चहा पिण्याचे आरोग्यासाठी कोणते फायदे आहेत.

लवंगाचा चहा प्यायल्याने होतात हे फायदे

ओरल समस्या दूर होतात

लवंगाच्या चहाच्या नियमित सेवनाने हिरड्या आणि दातांशी संबंधित अनेक प्रकारच्या समस्या दूर होण्यास मदत होते. या चहाच्या सेवनाने तोंडातील बॅक्टेरिया नष्ट होतात. दातदुखीचा त्रास होत असला तरी लवंगाचा चहा प्यायल्याने आराम मिळतो. लवंगमध्ये अँटी-बॅक्टेरियल आणि अँटी-इंफ्लेमेटरी गुणधर्म असतात, जे दातदुखीपासून मुक्त होण्यास मदत करतात. याशिवाय लवंगाचा चहा प्यायल्याने श्वासाची दुर्गंधी, दुखणे आणि दात किंवा हिरड्यांमधली सूज आणि पायरियाची समस्याही दूर होते.

पचनाचे आरोग्य

पोटाशी संबंधित समस्या तुम्हाला वारंवार त्रास देत असतील तर लवंगाचा चहा पिणे तुमच्यासाठी फायदेशीर ठरू शकते. लवंगाचा चहा पोटातील अल्सर, पेप्टिक अल्सरचा धोका कमी करू शकतो आणि अॅसिडिटी आणि पोटदुखीपासून देखील आराम देतो.

तणावापासून दूर ठेवते

जे लोक खूप तणावग्रस्त आहेत त्यांच्यासाठी लवंग चहा फायदेशीर ठरू शकतो. वास्तविक लवंग चहामध्ये असे काही गुणधर्म असतात, जे मनाला शांत करून तणाव दूर करू शकतात.

वजन कमी करते

लवंगाचा चहा वजन कमी करण्यासाठी देखील उपयुक्त ठरू शकतो. लवंग चहामध्ये नैसर्गिक फॅटी अॅसिडस् आणि सिंथेसिस इनहेबिटर असतात जे वजन कमी करण्यास मदत करतात.

वेदना आणि सूज पासून आराम

लवंग चहामध्ये शक्तिशाली वेदनशामक आणि अँटी इंफ्लेमेटरी गुणधर्म असतात, ज्यामुळे वेदना कमी होण्यास मदत होते. जर एखाद्या व्यक्तीला डोकेदुखी, दातदुखी किंवा स्नायू दुखत असेल तर लवंग चहा आराम देऊ शकतो.

कसा बनवायचा लवंग चहा

लवंगाचा चहा बनवण्यासाठी प्रथम एका भांड्यात एक कप पाणी घालून गॅसवर गरम करण्यासाठी ठेवा. यानंतर त्यात ४-५ लवंगा घालून ५ ते ७ मिनिटे शिजू द्या. आता गॅस बंद करून पाणी गाळून घ्या. तुमचा लवंग चहा तयार आहे. पिण्यापूर्वी त्यात एक चमचा मध टाका.

टीप - उन्हाळ्यात लवंगाचे अतिसेवन आरोग्यास हानी पोहोचवू शकते. लवंग चहा बनवताना ऋतूनुसार त्याचे प्रमाण किती असावे याची काळजी घ्यावी.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

विभाग