Healthy Habits: शरीरात हॅपी हार्मोन्स वाढवू शकतात 'या' सवयी, नेहमीच चांगले राहील मानसिक आरोग्य
Mental Health Tips: रोजच्या काही सवयींमुळे शरीरातील हॅपी हार्मोन्स कमी होतात, तर काही सवयी हे हार्मोन्स वाढवू शकतात. येथे अशा सवयी आहेत ज्या हॅपी हार्मोन्सना चालना देऊ शकतात.
Habits that Increase Happy Hormone: प्रत्येकाला आपल्या आयुष्यात सुखी राहण्याची इच्छा असते. आनंदी राहण्यासाठी लोक रोज काही ना काही करतात. स्वत:ला आनंदी ठेवण्याची प्रत्येकाची स्वतःची पद्धत असते. जसे काही लोकांना मिठाई, गोड खाऊन आनंद मिळतो, तर काही लोकांना खरेदी करून आनंद मिळतो. परंतु प्रत्येक वेळी असे करणे कठीण असू शकते. मात्र अशा काही सोप्या सवयी आहेत ज्या शरीरात हॅपी हार्मोन्स सोडतात आणि मानसिक आरोग्य चांगले ठेवतात. सध्याच्या धावपळीच्या काळात अनेक ताण तणावातून आनंद शोधणे अनेकांना अवघड वाटू शकते. पण तुम्ही फक्त काही सवयी फॉलो करून सहज आनंदी राहू शकता. जाणून घ्या या कोणत्या सवयी आहेत
१. मेडिटेशन करा आणि शांत राहा
मानसिक आरोग्य आणि आनंद वाढविण्यासाठी मेडिटेशन आवश्यक आहे. असे केल्याने सेरोटोनिन आणि एंडोर्फिनची पातळी वाढते, ज्यामुळे मूड सुधारतो आणि तणाव कमी होतो. दररोज केवळ काही मिनिटे ध्यानमध्ये घालवल्यास अधिक आनंद मिळू शकतो.
२. आपल्या आवडमध्ये शोधा आनंद
छंद हा केवळ वेळ घालवण्याचा मार्ग नाही, तर ते आनंदाचे आवश्यक स्त्रोत देखील असू शकतात. आपल्याला स्वारस्य असलेल्या अॅक्टिव्हिटीमध्ये गुंतल्याने डोपामाइन, आनंदाशी संबंधित संप्रेरक स्राव होऊ शकतो. ज्या गोष्टींबद्दल तुम्हाला आवड आहे त्यात वेळ घालवा. असे केल्याने मूड सुधारतो.
३. मानसिक आरोग्यासाठी आवश्यक आहे झोप
मानसिक आरोग्यासह संपूर्ण आरोग्यासाठी झोप आवश्यक आहे. झोपेच्या कमतरतेमुळे सेरोटोनिनची पातळी कमी होऊ शकते. आपला आनंद वाढविण्यासाठी दररोज रात्री ७ ते ९ तास झोप घ्या. झोपण्यापूर्वी कॅफिन टाळा. असे केल्याने मूड सुधारतो.
४. लोकांशी भेटा आणि त्यांच्याशी कनेक्ट व्हा
भावनिक कल्याणासाठी मजबूत सामाजिक संबंध राखणे आवश्यक आहे. प्रियजनांसोबत वेळ घालविणे, गप्पा मारणे आणि अगदी प्रियजनांना मिठी मारणे यासारख्या सवयी ऑक्सिटोसिन सोडण्यास कारणीभूत ठरू शकतात आणि यामुळे मूड सुधारेल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)