मराठी बातम्या  /  लाइफस्टाइल  /  Cheese Slice: घरच्या घरी बनवता येतात मार्केटसारखे चीज स्लाइस, पाहा शेफने सांगितलेली पद्धत

Cheese Slice: घरच्या घरी बनवता येतात मार्केटसारखे चीज स्लाइस, पाहा शेफने सांगितलेली पद्धत

Hiral Shriram Gawande HT Marathi
Mar 27, 2024 07:06 PM IST

Cheese Slice Recipe: चीजचा वापर सँडविच, पास्ता यासारख्या गोष्टींमध्ये केला जातो. चीज अनेक प्रकारात येते. चीज स्लाईस तुम्ही घरी बनवू शकता. ते कसे बनवायचे ते येथे पहा

चीज स्लाइस
चीज स्लाइस (unsplash)

Market Like Cheese Slices Recipe: चीज अनेक प्रकारात येते आणि प्रत्येक प्रकार वेगवेगळ्या पदार्थांसाठी वापरला जातो.चीज क्यूब्स आणि स्लाइसमध्ये येते. चीज स्लाइस तुम्ही सँडविच, बर्गर किंवा पास्ता यासारख्या गोष्टींमध्ये वापरू शकता. पण तुम्हाला माहित आहे का की तुम्ही बाजारासारखे चीज स्लाइस घरी तयार करू शकता? शेफ पंकज भदौरिया यांनी त्यांच्या इंस्टाग्राम अकाऊंटवर व्हिडिओ शेअर केला आहे. ज्यामध्ये त्या घरी चीज स्लाइस कसे बनवायचे याबद्दल सांगत आहेत. जाणून घ्या

चीज स्लाइस बनवण्यासाठी साहित्य

- १ लीटर दूध

- ५-६ टेबलस्पून लिंबाचा रस

- १ टीस्पून सायट्रिक अॅसिड

- १ टीस्पून बेकिंग सोडा

- १ टेबलस्पून पाणी

- ५० ग्रॅम सॉल्टेड बटर

- १/३ कप दूध

- १ चमचा मीठ

चीज स्लाइस बनवण्याची पद्धत

यासाठी प्रथम एका पॅनमध्ये दूध गरम करण्यासाठी ठेवा. हे सतत ढवळत राहा. दूध एवढेच गरम करा जेवढे आपले बोट तापमान सहन करू शकेल. नंतर एका वेळी एक चमचा लिंबाचा रस घाला आणि सतत ढवळत राहा. जसे सर्व दूध फाटेल तेव्हा गॅस बंद करा. सर्व फाटलेले पनीर झाकून ३-४ मिनिटे बाजूला ठेवा. काही वेळाने हे गाळून पनीर चाळणीवर काढा आणि नंतर पनीर धुवा. धुतल्यानंतर सर्व ओलावा पिळून काढा. यानंतर सोडियम सायट्रेटचे द्रावण तयार करा. यासाठी सायट्रिक अॅसिड १ टेबलस्पून पाण्यात तोपर्यंत विरघळवा जोपर्यंत ते पूर्णपणे विरघळत नाही. द्रावणात बेकिंग सोडा घाला आणि चांगले मिक्स करा. सर्व बुडबुडे थांबू द्या. आणि पुन्हा मिक्स करा, जोपर्यंत तुम्हाला द्रव मिळत नाही आणि तळाशी कोणतेही अवशेष शिल्लक राहत नाहीत तोपर्यंत ढवळत रहा. सोडियम सायट्रेट तयार आहे.

आता ब्लेंडरमध्ये दूध, लोणी, तयार पनीर, सोडियम सायट्रेट आणि मीठ एकत्र करून घ्या. गुळगुळीत मिश्रण होईपर्यंत हे पुन्हा करा. मिश्रण डबल बॉयलरमध्ये टाका आणि नंतर १२-१५ मिनिटे गुळगुळीत, लवचिक चीज होईपर्यंत सतत ढवळत शिजवा. बटर पेपरचे चौकोनी तुकडे ग्रीस करा आणि कागदावर २ चमचे चीज काढा. झाकण ठेवून १ तास रेफ्रिजरेट करा. तुमचे चीज स्लाइस तयार आहे.

WhatsApp channel

विभाग