मराठी बातम्या  /  लाइफस्टाइल  /  Homemade Mayonnaise: साधे पदार्थही टेस्टी बनवते मेयोनीज, घरी बनवण्यासाठी फॉलो करा या टिप्स

Homemade Mayonnaise: साधे पदार्थही टेस्टी बनवते मेयोनीज, घरी बनवण्यासाठी फॉलो करा या टिप्स

Hiral Shriram Gawande HT Marathi
Jan 31, 2024 10:13 PM IST

Cooking Hacks: गेल्या काही वर्षांत भारतीय पदार्थांमध्ये सुद्धा स्प्रेडपासून डिपपर्यंतच्या स्वरूपात मेयोनीजचा वापर वाढला आहे. घरी मेयोनीज कसे बनवायचे ते जाणून घ्या.

घरी मेयोनीज बनवण्यासाठी कुकिंग टिप्स
घरी मेयोनीज बनवण्यासाठी कुकिंग टिप्स (unsplash)

Tips to Make Mayonnaise: स्प्रेड किंवा डिप म्हणून मेयोनीज खायला अनेकांनी आवडते. आता अगदी पराठ्यासोबतही अनेक लोक मेयोनीज आवडीने खातात. यामुळे एखाद्या पदार्थाची चव आणखी वाढते. शिवाय लहान मुलांना विविध भाज्यांमध्ये मेयोनीज दिले तर ते आवडीने खातात. पण जर तुम्ही शाकाहारी असाल आणि मेयोनीजमध्ये अंडे नको असेल तर तुम्ही ते घरी सहज बनवू शकता. कसे ते पाहा.

मेयोनीज म्हणजे काय

मेयोनीज एक जाड, थंड आणि मलईदार सॉस किंवा डिप आहे. साधारणपणे ते दोन प्रकारात बाजारात उपलब्ध असते - एक अंडीसहीत आणि दुसरे अंडीशिवाय. पारंपारिक मेयोनीजमध्ये मुख्य घटक अंड्यातील पिवळ बलक आणि तेल आहेत. पण आता बाजारात शाकाहारी मेयोनीज देखील उपलब्ध आहे, जे क्रीम किंवा दूध, तेल आणि व्हिनेगरपासून बनवले जाते. जे लोक वीगन आहेत, म्हणजेच जे लोक दूध किंवा दुधाचे पदार्थही वापरत नाही त्यांच्यासाठी आता वीगन मेयोनीज देखील उपलब्ध आहे. हे सोया मिल्कपासून बनवले जाते. म्हणजे आता तुम्ही तुमच्या आवडीनुसार आणि प्राथमिकतानुसार मेयोनीज निवडू शकता. शिवाय तो बाजारात अनेक फ्लेवर्समध्ये सुद्धा उपलब्ध आहे.

घरी असे बनवा मेयोनीज

फ्रेश आणि टेस्टी मेयोनीज हवे असेल तर तुम्ही ते घरी बनवू शकता. फक्त घरी बनवलेले मेयोनीज जास्त काळ साठवले जाऊ शकत नाही. मेयोनीज बनवताना खूप कमी तेल वापरावे. तुम्हाला नको असेल तर तुम्ही तेल स्किप सुद्धा करू शकता. ऑइल फ्री मेयोनीज बनवण्यासाठी दूध किंवा मलईऐवजी पनीर घालता येते. ते पूर्णपणे थंड करुन त्यात मोहरी, ८-१० भिजवलेले काजू, दोन चमचे दही, मध, मीठ आणि मिरपूड घालून बारीक करा. एक अतिशय गुळगुळीत क्रीमयुक्त पोत मिळते. तुम्ही ते फ्रेंच फ्राईज सोबत डिप म्हणून वापरू शकता किंवा सँडविच आणि बर्गर इत्यादींमध्ये स्प्रेड म्हणून वापरू शकता.

तेल आणि व्हिनेगरसोबत बनवलेल्या मेयोनीजची चव अप्रतिम लागते. यासाठी एक कप दूध, ३/४ कप तेल, दोन चमचे व्हिनेगर, मोहरी पावडर, मीठ आणि मिरपूड घालून हँड ब्लेंडरमध्ये ब्लेंड करा. स्वादिष्ट क्रीमी मेयोनीज तयार आहे. त्यात तुमचे फ्लेवर घालून तुम्ही फ्लेवर्ड मेयोनीज सुद्धा बनवू शकता.

असा वापर करा

- फ्रेंच फ्राईज, वेफर्स इत्यादींसोबत डिप म्हणून मेयोनीज वापरा. हवे असल्यास थोडे केचप घाला. एक वेगळी टेस्ट येईल.

- पनीरला स्मोकी फ्लेवर देण्यासाठी मेयोनीजमध्ये थोडा तंदुरी मसाला किंवा किचन किंग मसाला घालून त्यात पनीर मॅरीनेट करा.

काही वेळाने बेक करून सर्व्ह करा.

- उकडलेल्या भाज्या पांढऱ्या ग्रेव्हीमध्ये न टाकता ते मेयोनीजमध्ये घाला.

- कटलेट बनवताना मधोमध थोडेसे फिलिंग टाकून त्यात मेयोनीज टाका आणि नंतर डीप फ्राय करा. त्याची चव वेगळी असेल.

- बिस्किटे, ब्रेड इत्यादींवर मेयोनीज लावा. ते किसून घ्या, काकडी आणि गाजर इत्यादी मिसळा आणि लावा. मीठ आणि मिरपूड शिंपडून नवीन स्नॅक्स सर्व्ह करा.

- बर्गर बनवताना त्यावर तुमच्या आवडत्या मेयोनीजचा थर लावा.

 

आरोग्याची घ्या काळजी

मेयोनीजमध्ये सुमारे ८०% फॅट असते आणि एक चमचा मेयोनीज ९० कॅलरीज पुरवतो. त्याचे नियमित सेवन टाळा. जास्त प्रमाणात मेयोनीज खाल्ल्याने कोलेस्ट्रॉल, बीपी, हृदयविकार इत्यादींचा धोका वाढतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel