मराठी बातम्या  /  लाइफस्टाइल  /  Holi Benefits: तणावापासून मुक्ती मिळवण्यासाठी होळी खेळा, हे आहेत रंग खेळण्याचे मेंटल हेल्थ फायदे

Holi Benefits: तणावापासून मुक्ती मिळवण्यासाठी होळी खेळा, हे आहेत रंग खेळण्याचे मेंटल हेल्थ फायदे

Hiral Shriram Gawande HT Marathi
Mar 21, 2024 11:57 PM IST

Holi Colors Affects Mood: तज्ञांच्या मते होळीच्या रंगांचा तुमच्या मानसिक आरोग्यावर खूप सकारात्मक परिणाम होतो. होळी खेळल्याने व्यक्तीच्या अनेक मानसिक समस्याही दूर होतात. कोणते ते पाहा

होळीला रंग खेळल्याने मानसिक आरोग्याला होणारे फायदे
होळीला रंग खेळल्याने मानसिक आरोग्याला होणारे फायदे (unsplash)

Mental Health Benefits of Holi: गुलाल आणि पाण्याने खेळला जाणारा होळी हा सण अवघ्या काही दिवसांवर आला आहे. होळीचा आनंद वाढवण्यासाठी लोक काही दिवस आधीच तयारी करू लागतात. मात्र, होळीच्या दिवशी रंग खेळणे आणि पाण्याने भिजणे टाळणाऱ्यांची कमी नाही. तुमचाही या यादीत समावेश असेल तर या होळीत अशी चूक करण्यापूर्वी ही बातमी वाचा. तज्ञांच्या मते होळीचे रंग तुमच्या मानसिक आरोग्यावर खूप सकारात्मक परिणाम करतात. होळीला रंग खेळल्याने व्यक्तीच्या अनेक मानसिक समस्याही दूर होतात. रंग खेळल्याने व्यक्तीला कोणते आश्चर्यकारक फायदे होतात ते जाणून घेऊया.

होळीला रंग खेळल्याने तुम्हाला मिळतात हे मानसिक आरोग्य फायदे

तणावापासून मुक्ती

होळीच्या सणामुळे आजूबाजूचे वातावरण प्रसन्न होते. गुलालाचे रंगीबेरंगी रंग, तुमच्या आवडत्या गाण्यांवर नाचणे आणि गाणे यामुळे मूड चांगला राहण्यास मदत होते. तज्ञांच्या मते होळी सारख्या सणावर जेव्हा लोक त्यांच्या मित्र आणि नातेवाईकांसोबत होळी खेळतात तेव्हा त्यांची चिंता कमी होते आणि त्यांचा मूड सुधारतो. त्यामुळे आत्मविश्वास वाढतो आणि तणावातून आराम मिळतो.

हॅपी हार्मोन्स

रंग खेळणे, विविध गोड पदार्थ खाणे, होळीच्या वेळी प्रियजनांना भेटणे यामुळे व्यक्तीमधील हॅपी हार्मोन्स बाहेर पडण्यास मदत होते. त्यामुळे मानसिक आरोग्य सुधारते.

कलर थेरपी

होळीच्या आनंदी आणि तेजस्वी रंगांचा मनावर चांगला परिणाम होतो. होळीचे वेगवेगळे रंग ऊर्जावान स्पंदने जागृत करण्यात मदत करतात. कलर थेरपीनुसार, वेगवेगळ्या रंगांचा आपल्या मनावर वेगवेगळा प्रभाव पडतो. जसे हिरवा आणि निळा रंग मन शांत करतात तर केशरी आणि हिरवा रंग आनंद वाढवतात. लाल, गुलाबी, पिवळा यांसारखे ब्राईट रंग आपल्या भावना प्रकट करण्यास मदत करतात.

एकटेपणा दूर होतो

लोक होळीचा सण आपल्या कुटुंबासह, नातेवाईकांसह आणि मित्रांसह साजरा करतात. त्यामुळे त्यांचे नाते अधिक घट्ट आणि मजबूत होत जाते. ज्यामुळे एकाकीपणाची आणि अलगावची भावना कमी होते. भेटणे, बोलणे यामुळे माणसाचे मन शांत होते आणि होळी खेळल्याने शरीरही ताणले जाते. त्यामुळे तुम्ही बऱ्याच काळापासून कोणत्याही सामाजिक संमेलनाचा भाग नसाल तर ही होळी खेळण्यासाठी मित्रांसोबत जा. मित्रांच्या भेटीमुळे तुमचे मन हलके होईल आणि तुम्हाला आनंद वाटेल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

विभाग