मराठी बातम्या  /  लाइफस्टाइल  /  Cold Milk Benefits: उन्हाळ्यात थंड दूध पिण्याचे आहेत अनेक फायदे, वेट लॉसपासून बीपीपर्यंत दिसेल फरक

Cold Milk Benefits: उन्हाळ्यात थंड दूध पिण्याचे आहेत अनेक फायदे, वेट लॉसपासून बीपीपर्यंत दिसेल फरक

Jun 18, 2024 02:55 PM IST

Summer Health Tips: सहसा लोक सकाळी आणि रात्री झोपताना एक ग्लास दूध पितात. पण तुम्हाला माहित आहे का की उन्हाळ्यात गरम दुधापेक्षा थंड दूध जास्त फायदेशीर मानले जाते. जाणून घ्या थंड दुधाचे फायदे

थंड दूध पिण्याचे फायदे
थंड दूध पिण्याचे फायदे (unsplash)

Health Benefits of Drinking Cold Milk: जर तुम्ही वाढत्या लठ्ठपणामुळे त्रस्त असाल किंवा हाय बीपीमुळे तुमच्या समस्या वाढल्या असतील तर फ्रिजमधून एक ग्लास थंड दूध काढून प्या. दूध हे संपूर्ण अन्न मानले जाते. यामध्ये कॅल्शियम, प्रथिने, पोटॅशियम, फॉस्फरस असे अनेक पोषक घटक असतात. जे हाडे मजबूत ठेवण्याबरोबरच आरोग्याला अनेक फायदे देतात. सहसा लोक आपला दिवस सुरू करताना आणि रात्री झोपण्यापूर्वी आहारात एक ग्लास दुधाचा समावेश करतात. पण तुम्हाला माहित आहे का की उन्हाळ्यात गरम दुधापेक्षा थंड दूध जास्त फायदेशीर मानले जाते. उन्हाळ्यात थंड दूध पिण्याचे आश्चर्यकारक फायदे काय आहेत ते जाणून घेऊया.

उन्हाळ्यात थंड दूध पिण्याचे आरोग्यदायी फायदे

अॅसिडिटीपासून मिळतो आराम

उन्हाळ्यात जर तुमची अॅसिडिटीची समस्या वाढली तर थंड दुधाच्या सेवनाने तुम्हाला फायदा होऊ शकतो. थंड दुधामुळे पोटातील आम्लता नियंत्रित होऊन पोटाची जळजळ दूर होते. दुधात असलेले कॅल्शियम अतिरिक्त आम्ल शोषून आम्ल निर्मिती रोखण्यास मदत करते.

ट्रेंडिंग न्यूज

मानसिक ताण दूर ठेवते

थंड दुधात चांगल्या प्रमाणात असलेले व्हिटॅमिन बी १२ शरीरातील रक्ताचे पोषण करून ऊर्जा प्रदान करते. थंड दूध प्यायल्याने तणाव दूर होतो आणि मानसिक ताण ही दूर होतो.

वजन कमी करण्यासाठी फायदेशीर

वजन कमी करायचं असेल तर गरम दुधाऐवजी थंड दूध पिण्यास सुरुवात करा. थंड दूध प्यायल्याने चयापचय वाढते, ज्यामुळे अतिरिक्त कॅलरी बर्न होतात आणि पोट बराच काळ भरलेले राहते. ज्यामुळे त्या व्यक्तीला बराच वेळ भूक लागत नाही आणि तो जास्त खाणे टाळतो. ज्यामुळे वजन कमी होण्यास मदत होते.

उच्च रक्तदाब ठेवते नियंत्रणात

हाय बीपी नियंत्रित करण्यासाठी देखील थंड दुधाचे सेवन फायदेशीर ठरू शकते. थंड दूध प्यायल्याने रक्ताभिसरण सुधारते आणि शरीरातील स्ट्रेस हॉर्मोन्सही कमी होतात. उच्च रक्तदाब नियंत्रणात ठेवण्यासाठी कॅल्शियम, मॅग्नेशियम आणि पोटॅशियम खूप महत्त्वाची भूमिका बजावतात.

त्वचेला हायड्रेशन मिळते

थंड दुधाचे सेवन केल्याने त्वचेला हायड्रेशन मिळते, ज्यामुळे त्वचा चमकदार आणि निरोगी होते. थंड दुधात व्हिटॅमिन ए असते, ते त्वचेचे संरक्षण करते.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel