kitchen Tips: गॅस सिलिंडर लवकर संपतो का? फॉलो करा ‘या’ टिप्स, महिन्यापेक्षा जास्त काळ टिकेल
kitchen Tips: आजकाल जवळजवळ प्रत्येक घरात अन्न शिजवण्यासाठी गॅस सिलिंडरचा वापर केला जातो. प्रत्येक मध्यमवर्गीय घरात लोक जास्तीत जास्त दिवस गॅस चालवण्याचा प्रयत्न करतात. पण ते शक्य होत नाही. आज आम्ही तुम्हाला सोप्या टिप्स सांगणार आहोत, ज्यांच्या मदतीने तुमचा सिलिंडर दरवेळेपेक्षा जास्त दिवस टिकेल.
शहर असो वा खेडे, आज जवळजवळ सर्वत्र अन्न शिजवण्यासाठी गॅस सिलिंडरचा वापर केला जातो. हे वापरण्यास सोपे व सोयीस्कर आहे आणि बराच वेळ देखील वाचवणारे आहे. या सिलिंडरच्या वाढत्या किंमती सर्वसामान्यांसाठी नेहमीच डोकेदुखी ठरत असतात. अशावेळी प्रत्येकजण आपला सिलिंडर थोडा जास्त काळ टिकावा यासाठी प्रयत्न करत असतो. पण अनेकदा गॅस महिनाभर आधीच संपतो. आज आम्ही तुम्हाला काही छोट्या टिप्स सांगणार आहोत, ज्याचा वापर करून तुम्ही तुमचा सिलिंडर दरवेळेपेक्षा थोडा जास्त टिकवू शकाल.
१) स्वयंपाक करताना अनेकदा आपण ओली भांडी गॅसवर ठेवतो. अशावेळी हे ओले भांडे वाळवायला बराच वेळ लागतो आणि अशा वेळी भरपूर गॅस वाया जातो. लक्षात ठेवा की नेहमी गॅसवरील भांडी कापडाने पुसून मगच वापरायला घ्यावीत.
वाचा: दुधी भोपळ्यापासून घरच्या घरी बनवा पनीर, जाणून घ्या सोपी रेसिपी
२) स्वयंपाक करताना जास्तीत जास्त प्रेशर कुकरचा वापर करावा. कुकरमध्ये खूप लवकर अन्न तयार केले जाते, ज्यामुळे गॅसची बचत होते. तसेच स्वयंपाक करताना भांड्यावर नेहमी झाकण ठेवावे आणि मग अन्न शिजवावे. असे केल्याने अन्न लवकर शिजेल आणि गॅसचा वापर कमी होईल.
३) गॅस बर्नर वेळोवेळी स्वच्छ करा. अनेकदा साफसफाई न झाल्याने गॅस बर्नरमध्ये मोठ्या प्रमाणात घाण जमा होते. त्यामुळे गॅस नीट जळत नाही आणि वाया जातो. ज्योतीचा रंग पाहून बर्नरला स्वच्छतेची आवश्यकता आहे की नाही हे देखील आपण शोधू शकता. जर ज्योतीचा रंग बदलला असेल तर याचा अर्थ तो स्वच्छ करणे आवश्यक आहे.
वाचा: दिलजीत दोसांजच्या हिरेजडीत घड्याळाची चर्चा, किंमत ऐकून विश्वास बसणार नाही
४) अनेकदा आपण दुधासारख्या वस्तू फ्रिजमधून काढून गॅसवर ठेवतो. असे केल्याने जास्त गॅसचा वापर होतो कारण या गोष्टी गरम होण्यास जास्त वेळ लागतो. गॅसवर काहीही ठेवण्यापूर्वी ते नेहमी फ्रिजमधून बाहेर काढून ठेवण्याचा प्रयत्न करा. थोड्या वेळाने त्याचे तापमान नॉर्मल झाल्यावर गॅसवर ठेवावे.
५) नेहमी मध्यम आचेवर अन्न शिजवावे. मोठ्या आचेवर स्वयंपाक केल्यास जास्त गॅस खर्च होतो. तसेच पाईपमधून गळती होत असल्याप्रमाणे वेळोवेळी सिलिंडरची तपासणी करत रहा.
वाचा: पावसाळ्यात काही चमचमीत खायची इच्छा झालीये? मग बनवा अगदी सोपे आणि चवदार चीज कॉर्न कटलेट
जर तुम्ही या छोट्या छोट्या गोष्टी रुटीनमध्ये आणल्या तर नक्कीच तुमचा गॅस सिलिंडर पूर्वीपेक्षा बराच जास्त टिकेल.
संबंधित बातम्या