मराठी बातम्या  /  लाइफस्टाइल  /  Kitchen Tips: फ्रीजमध्ये ठेवलेली कणिक कडक आणि काळी झाली का? अशा प्रकारे करा मऊ आणि पांढरी

Kitchen Tips: फ्रीजमध्ये ठेवलेली कणिक कडक आणि काळी झाली का? अशा प्रकारे करा मऊ आणि पांढरी

Hiral Shriram Gawande HT Marathi
May 12, 2024 11:16 PM IST

Kitchen Hacks: फ्रीजमध्ये ठेवलेल्या पिठापासून बनवलेल्या पोळ्या अनेकदा कडक आणि काळ्या होतात. याचे कारण म्हणजे कणिक किंवा पिठाचा कडकपणा. म्हणून फ्रीजमधून बाहेर काढल्यानंतर पीठ अशा प्रकारे मऊ केले जाऊ शकते.

फ्रीजमध्ये ठेवलेली कणिक किंवा पीठ मऊ करण्यासाठी टिप्स
फ्रीजमध्ये ठेवलेली कणिक किंवा पीठ मऊ करण्यासाठी टिप्स (unsplash)

Tips to Soften Roti Dough After Refrigeration: उन्हाळ्यात लोक बहुतेकदा उरलेले पोळीचे कणिक किंवा पीठ फ्रीजमध्ये ठेवतात. फ्रीजच्या बाहेर ठेवलेले पीठ काही वेळातच आंबायला लागते आणि पोळ्या खराब होतात. पण समस्या अशी आहे की फ्रीजमध्ये ठेवलेले कणिक किंवा पीठ अनेकदा काळे होते आणि खूप कडक होते. या प्रकारच्या पिठापासून बनवलेली पोळी कडक आणि काळी असते. त्यामुळे बरेच लोक ताजे पीठ मळून घेतात. पण कधी कधी पीठ फ्रीजमध्ये ठेवलं तर या पद्धतींचा वापर करून तुम्ही ते मऊ करू शकता. यामुळे पोळ्या मऊ तर होतीलच पण पूर्ण पांढऱ्याही राहतील.

ट्रेंडिंग न्यूज

पीठ पाण्यात ठेवा

जर पीठ कडक आणि काळे झाले असेल तर ते पाण्यात टाकणे हा उत्तम उपाय आहे. फ्रीजमधून पीठ बाहेर काढा आणि कोमट पाण्यात घाला. साधारण अर्ध्या तासानंतर पीठ बाहेर काढून परत एकदा चांगले मळून घ्या. असे केल्याने पिठाचा कडकपणा निघून जाईल आणि पिठाचा काळेपणाही निघून जाईल.

पीठ सीलबंद पॅकमध्ये ठेवा

जेव्हा पण पीठ फ्रीजमध्ये ठेवायचे असेल तर ते फूड सेड प्लास्टिक बॅगमध्ये ठेवा किंवा प्लॅस्टिकच्या कंटेनरमध्ये ठेवा. यामुळे पीठ मऊ राहते. पीठ स्टीलच्या डब्यात ठेवल्यास पीठ लवकर सुकते आणि कडक होते. त्यामुळे ते प्लॅस्टिकच्या डब्यात ठेवा.

ताबडतोब पोळी बनवू नका

जर तुम्ही फ्रिजमधून पीठ काढून लगेचच पोळी बनवली तर ती नेहमी काळी आणि कडक होईल. नेहमी पीठ बाहेर काढा आणि आधीच बाजूला ठेवा. ते खोलीच्या तापमानाला आल्यानंतरच त्याची पोळी बनवा. यामुळे पोळी मऊ होईल आणि पीठही थोडे मऊ होईल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग