Useful Hack: एम्ब्रॉयडरी असलेल्या कपड्यांना इस्त्री करणे होतंय कठीण? 'या' टिप्स करा फॉलो, कधीच येणार नाही अडचण
Tips and Tricks: जेव्हा तुम्ही एम्ब्रॉयडरी केलेला ब्लाउज किंवा कुर्ता काढता आणि तुम्हाला त्यात सुरुकुत्या पडलेल्या दिसतात. या सुरुकुत्या घालवणे फार कठीण आहे.
Tips for ironing embroidered clothes: मुली अनेकदा पार्टीवेअर कपड्यांमध्ये विविधता शोधतात. तार, सेक्विन्स, जरी, रत्ने, गोटा आणि स्फटिकांनी जडलेले कपडे जितके सुंदर दिसतात तितकेच ते मेन्टेन करण्यासाठी मेहनत घ्यावी लागते. आणि सर्वात मोठी समस्या म्हणजे जेव्हा तुम्ही एम्ब्रॉयडरी केलेला ब्लाउज किंवा कुर्ता काढता आणि तुम्हाला त्यात सुरुकुत्या पडलेल्या दिसतात. या सुरुकुत्या घालवणे फार कठीण आहे. कारण एम्ब्रॉयडरीच्या मध्यभागी असलेले कपड्यांचे आकुंचन सहजासहजी काढले जात नाही. अशा परिस्थितीत, हा इस्त्री नेमकी कशी करावी? याबाबत काही टिप्स आम्ही तुम्हाला देणार आहोत.
एम्ब्रॉयडरी केलेल्या कपड्यांच्या सुरुकुत्या कशा घालवायच्या?
एम्ब्रॉयडरी केलेल्या फॅब्रिकमध्ये सुरुकुत्या असल्यास, ते काढण्यासाठी स्टीम प्रेस वापरा. आता ज्या ठिकाणी सुरुकुत्या आहेत. त्या ठिकाणी ॲल्युमिनियम फॉइलचा तुकडा ठेवा आणि त्यावर इस्त्री फिरवा. असे केल्याने कापडाच्या सुरकुत्या सहज दूर होतील. शिवाय एम्ब्रॉयडरीलाही काही होणार नाही. जर सुरुकुत्या सहजासहजी जात नसतील, तर कापडावर थोडे पाणी फवारावे. त्यानंतर इस्त्री फिरवा. असे केल्याने एम्ब्रॉयडरी केलेल्या भागात दिसणाऱ्या सुरुकुत्यादेखील निघून जातील.
रेशीमच्या कापडाचा वापरा-
तुमच्याकडे ॲल्युमिनियम फॉइल नसल्यास काळजी करू नका. स्वच्छ पांढरे रेशीमचे कापड घेऊन ते इस्त्रीखाली ठेवा आणि गुंडाळून धरा. जेणेकरून कापड प्रेसच्या प्लेटला चिकटून राहते. आता हलक्या हातांनी हळू हळू दाबा. असे केल्याने सुरुकुत्या देखील दूर होईल आणि कापड नक्षीदार भागावर चमकदार दिसू लागेल.
कपड्याना उलट करा-
साडीऐवजी कुर्ता किंवा जड ब्लाउज इस्त्री करायचा असेल तर कापड आतून बाहेर करा. यानंतर, हळूवारपणे इस्त्री फिरवा. असे केल्याने अनेक वेळा सुरुकुत्या लगेच दूर होते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)