Kidney Health: थंडीत तुम्हीही नकळत करताय 'या' ४ चुका, खराब होऊ शकते किडनी, लगेच करा बंद

कमी पाणी पिण्याची सवय-

हिवाळ्यात असे दिसून येते की लोक कमी पाणी पितात आणि त्यामुळे किडनी खराब होतात. कारण शरीराला पुरेसे पाणी मिळत नसल्याने रक्त शुद्ध होत नाही आणि किडनीसह इतर अवयवांना आवश्यक गोष्टी मिळू शकत नाहीत. याशिवाय पाणी कमी प्यायल्यास किडनी इन्फेक्शनचा धोकाही वाढतो.

आहारावर नियंत्रण न ठेवणे-

आपल्या आहारावर नियंत्रण ठेवता न आल्याने किडनीलाही हानी पोहोचते. हिवाळ्यात, आपण बऱ्याचदा जास्त फॅट्सयुक्त पदार्थ खाण्यास सुरवात करतो, जे आपल्या किडनीसाठी देखील हानिकारक असतात. केळी आणि अवाकाडो इत्यादी काही निरोगी फॅट्सयुक्त पदार्थांमध्येही पोटॅशियम जास्त असते. पोटॅशियम किडनीसाठी चांगले असते पण जर ते मर्यादेपेक्षा जास्त खाल्ले तर ते हानी पोहोचवू शकते. विशेषतः किडनीच्या रुग्णांनी याची विशेष काळजी घ्यावी.

Black Pepper Benefits: चिमूटभर काळी मिरी मिसळून एक चमचा तूप खाल्ल्याने 'या' गंभीर समस्या होतील दूर!

थंड हवामानात दीर्घकाळापर्यंत राहणे-

फार कमी लोकांना याची जाणीव आहे की, जर तुम्ही जास्त काळ थंड हवामानाच्या संपर्कात राहिलात, म्हणजे पुरेसे उबदार कपडे घातले नाहीत, तर त्यामुळे तुमच्या किडनीचेही नुकसान होऊ शकते. कारण थंडीमुळे रक्तदाब वाढतो, ज्यामुळे हृदयाबरोबरच किडनीलाही नुकसान होते. विशेषत: ज्या लोकांची किडनी आधीच कमकुवत आहे त्यांच्यासाठी यामुळे मोठी समस्या उद्भवू शकते.

प्रदूषणाचा संपर्क-

हिवाळ्याच्या मोसमात प्रदूषण वाढते, यामागे अनेक कारणे असतात. पण हे प्रदूषण तुमच्या फुफ्फुसांना आणि श्वसनसंस्थेलाच हानी पोहोचवत नाही. किंबहुना त्यामुळे किडनीचेही नुकसान होते. प्रदूषणाच्या दीर्घकाळ संपर्कात राहिल्याने ऑक्सिडेटिव्ह तणाव वाढतो, ज्यामुळे किडनीच्या समस्यांचा धोका वाढतो.

(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )