Kidney Health: किडनी खराब करतात तुमच्या 'या' ५ सवयी, आजच सोडा नाहीतर बिघडेल आरोग्य
Habits that damage your kidneys: किडनी इतका महत्त्वाचा अवयव असल्याने आपण त्याची काळजी घेतली पाहिजे पण आजकाल आपल्या किडनीची अवस्था बिघडू लागली आहे. आधुनिक जीवनशैली आणि खाण्यापिण्याच्या चुकीच्या सवयींमुळे बहुतांश लोकांची किडनी कमकुवत होऊ लागली आहे.
Foods that damage your kidneys: किडनी हा आपल्या शरीराचा एक असा अवयव आहे जो, २४ तास संपूर्ण शरीरावर प्रभाव टाकतो. किडनी नीट कार्य करत नसल्यास, अनेक वाईट गोष्टी रक्तात प्रवेश करतात. शरीराचे तापमान खराब होईल. शरीरात सूज येईल आणि हळूहळू संपूर्ण शरीर व्यवस्था बिघडत जाईल. किडनी आपले संपूर्ण शरीर हायड्रेट ठेवते, यामुळे आपल्या संपूर्ण शरीरातील महत्त्वाच्या अवयवांचे तापमान संतुलित राहते. किडनी इतका महत्त्वाचा अवयव असल्याने आपण त्याची काळजी घेतली पाहिजे पण आजकाल आपल्या किडनीची अवस्था बिघडू लागली आहे. आधुनिक जीवनशैली आणि खाण्यापिण्याच्या चुकीच्या सवयींमुळे बहुतांश लोकांची किडनी कमकुवत होऊ लागली आहे. आपल्या अनेक सवयी आहेत ज्यामुळे आपली किडनी कमकुवत होऊ लागली आहे. या वाईट सवयी जर आपण आपल्या आयुष्यातून काढून टाकल्या तर आपण आपली किडनी मजबूत करू शकतो.
किडनीच्या आरोग्याला हानिकारक सवयी-
पाणी कमी पिणे-
किडनी मजबूत होण्यासाठी सर्वात महत्वाचे आहे की किडनी नेहमी स्वच्छ राहील आणि त्याच्या नळ्या नेहमी पाण्याने भरलेल्या असतील. ज्यामुळे त्याचे तापमान संतुलित राहते. किडनीमध्ये २४ तास रक्त झपाट्याने वाहत असते, त्यामुळे ते थंड होणे गरजेचे आहे. या नळ्यांमध्ये पाणी नसल्यास किडनीवर जास्त दाब पडतो आणि रक्तातील घाण गाळण्याची क्षमता कमी होते. त्यामुळे दररोज पुरेसे पाणी प्या.
जास्त साखर खाणे -
साखरेमुळे किडनीसह शरीरातील महत्त्वाच्या अवयवांना खूप नुकसान होते. जास्त साखर खाल्ल्याने लठ्ठपणा आणि मधुमेहासारखे आजार वाढतात. हे दोन्ही आजार किडनीसाठी विषाचे काम करतात. जास्त साखर किडनीच्या बारीक रक्तवाहिन्यांना इजा करू लागते. त्यामुळे किडनीची क्षमता कमकुवत होऊ लागते.
प्रक्रिया केलेले अन्न-
प्रक्रिया केलेले अन्न अनेक दिवस अगोदर तयार केले जाते. ते जास्त काळ टिकण्यासाठी, भरपूर सोडियम वापरले जाते. यामुळे रक्तदाब वाढतो. बीपीमुळे किडनी खराब होऊ लागते. जास्त मीठ किडनीला ओव्हरटाइम काम करण्यास भाग पाडते. त्यामुळे इलेक्ट्रोलाइट्सचे संतुलन बिघडते. त्यामुळे फास्ट फूड, पिझ्झा, बर्गर, चायनीज, पॅकबंद वस्तू, कँडी, चॉकलेट इत्यादी जंक फूडचे जास्त सेवन करू नका.
एकाच ठिकाणी बराच वेळ बसणे -
आजकाल बहुतेक लोकांकडे डेस्कचे काम असते. यामुळे त्यांना बराच वेळ एकाच जागी खुर्चीवर बसावे लागत आहे. एकाच जागी जास्त वेळ बसल्याने रक्ताभिसरण कमी होते. त्यामुळे वजन वाढते आणि या सगळ्यामुळे किडनीवर अतिरिक्त दबाव पडतो. शारीरिक हालचाली किंवा व्यायाम न केल्याने दीर्घकाळ जळजळ होते ज्याचा किडनीवर वाईट परिणाम होतो. त्यामुळे रोज व्यायाम करा. एकूणच आरोग्यासाठी व्यायाम चांगला आहे.
लघवी रोखून ठेवणे -
आजकाल लोकांवर कामाचा इतका ताण येतो की ते लघवी बराच वेळ रोखून ठेवतात. लघवी करण्याची तीव्र इच्छा असते पण ते लघवी थांबवतात. त्यामुळे किडनीवर दबाव येतो आणि किडनीची क्षमताही कमी होते. यामुळे तुम्हाला इन्फेक्शन आणि युरिनरी रिटेंशन होते. त्यामुळे किडनीमध्येही खडे तयार होतात. अभ्यासानुसार, जास्त वेळ लघवी थांबवल्याने किडनीवर खूप वाईट परिणाम होतो.
(या लेखात दिलेली माहिती पूर्णपणे सत्य आणि अचूक असेल असा आमचा दावा नाही. सविस्तर व अधिक माहितीसाठी संबंधित क्षेत्रातील तज्ज्ञांचा सल्ला घ्यावा. )
