Viral jokes in Marathi: आजकाल धावपळीच्या जीवनशैलीमुळे प्रत्येकाला ताणतणावाला सामोरं जावं लागतं. अशा वेळी माणसाला काही निवांत आणि मन प्रसन्न करणाऱ्या क्षणांची सोबत हवी असते. शब्द ही सोबत देऊ शकतात. हे लक्षात घेऊन तुम्हाला तणावमुक्त आणि सकारात्मक ठेवण्यासाठी आम्ही काही मजेदार जोक्स घेऊन आलो आहोत. ते वाचून तुम्हाला हसू आवरणार नाही। वाचा तर मग...
डॅाक्टर : याआधी कधी तुम्हाला स्पॅान्डीलायसिसचा त्रास झाला होता का ?
पेशंट : हो डॉक्टर, खूप पूर्वी.
डॅाक्टर : कधी?
पेशंट : शाळेत मास्तरांनी स्पेलिंग विचारलं होतं तेव्हा…
(डॉक्टर आता शेती करतो)
…
शहरातील ग्राहक - का हो, आजकाल कुठल्याही गावरान भाज्यांना पूर्वीसारखी चव राहिलेली नाही.
शेतकरी - साहेब, जेव्हापासून गावं हागणदारीमुक्त झाली तेव्हापासून सगळ्याचीच चव गेली बघा.
…
मकरसंक्रातीच्या दिवशी एक जण हातात फलक घेऊन उभा होता.
येणारे-जाणारे तो फलक वाचून पुढं जात होते…
खुदकन हसत होते. काय लिहिलं होतं त्या फलकावर…
वाचा!
बायकोला तीळगूळ देणं ही एक श्रद्धा आहे.
आणि
तिनं आपल्याशी गोडगोड बोलण्याची अपेक्षा करणं ही एक अंधश्रद्धा आहे.
स्थळ अर्थातच पुणे.
संबंधित बातम्या