Vaginal Cream: वेजाइनल व्हाइटनिंग क्रीम वापरणे खरंच सुरक्षित आहे का? जाणून घ्या सविस्तर
Women Health Tips: सौंदर्य प्रसाधनांच्या जाहिरातींना बळी पडून कोणतेही उत्पादन वापरणे योग्य नाही. वेजाइनल व्हाइटनिंग क्रीम वापरणे खरंच गरजेचे आहे का आणि ते सुरक्षित आहे का हे जाणून घ्या.
Is Vaginal Whitening Cream Safe and Necessary: सौंदर्य प्रसाधनांच्या बाजारात नवीन नवीन उत्पादने येत असतात. यातलीच एक गोष्ट म्हणजे वेजाइनल व्हाइटनिंग क्रीम. या क्रीमचा दावा आहे की तो योनीच्या त्वचेला गोरा करून तिला अधिक आकर्षक बनवतो. पण हा दावा किती खरा आहे? या क्रीम वापरणे सुरक्षित आहे का? या प्रश्नांची उत्तरे शोधण्यासाठी येथे सविस्तर वाचा.
आजकालच्या सौंदर्य प्रसाधनांच्या जगात, महिलांवर परिपूर्ण असण्याचे प्रचंड दबाव असतो. यातलीच एक गोष्ट म्हणजे योनीची त्वचा. समाजातील काही विशिष्ट सौंदर्य मानकांमुळे अनेक महिलांना योनीची त्वचा गोरी करण्याची इच्छा असते. याच कारणामुळे वेजाइनल व्हाइटनिंग क्रीम बाजारात आली आहेत. पण या क्रीमचा वापर करणे किती सुरक्षित आहे? याबाबत जागरूक असणे गरजेचे आहे. ही क्रीम वापरण्याची गरज आहे का आणि ते वापरणे सुरक्षित आहे का हे आधी जाणून घ्या.
वेजाइनल व्हाइटनिंग क्रीम म्हणजे काय?
वेजाइनल व्हाइटनिंग क्रीम ही अशी क्रीम आहे जी योनीच्या त्वचेचा रंग हलका करण्याचा दावा करतात. या क्रीममध्ये हायड्रोक्विनोन, कोजिक अॅसिड, अरबुटिन यांसारखे घटक असतात जे त्वचेतील मेलेनिनचे उत्पादन कमी करतात आणि त्यामुळे त्वचा गोरी दिसते. या क्रीमचा उपयोग बहुतेकदा योनीच्या त्वचेचा डार्कनेस दूर करण्यासाठी केला जातो.
वेजाइनल व्हाइटनिंग क्रीमचा वापर का केला जातो
समाजातील सौंदर्य मानकांच्या दबावामुळे अनेक महिला योनीची त्वचा गोरी करण्याची इच्छा व्यक्त करतात. याच कारणामुळे वेजाइनल व्हाइटनिंग क्रीम बाजारात आली आहेत. पण या क्रीमचा वापर करणे किती सुरक्षित आहे? याबाबत जागरूक असणे गरजेचे आहे.
वेजाइनल व्हाइटनिंग क्रीम वापरणे आवश्यक आहे का?
तुम्हाला सुद्धा हा प्रश्न पडला असेल तर याचे उत्तर नाही आहे. वेजाइनल व्हाइटनिंग क्रीम वापरणे आवश्यक नाही. योनीची त्वचा स्वतःच निरोगी असते आणि तिचा रंग बदलण्याची गरज नाही. योनीच्या त्वचेचा रंग हा प्रत्येक व्यक्तीमध्ये वेगवेगळा असतो आणि हा पूर्णपणे नैसर्गिक आहे.
वेजाइनल व्हाइटनिंग क्रीम वापरणे सुरक्षित आहे का?
ही क्रीम वापरणे कितपत सुरक्षित आहे याबाबत अनेक महिलांना संभ्रम असतो. वेजाईनल व्हाइटनिंग क्रीम वापरणे सुरक्षित नाही. या क्रीममध्ये असलेले काही घटक त्वचेला नुकसान करू शकतात. हायड्रोक्विनोन हा घटक कॅन्सरजनक असल्याचे सिद्ध झाले आहे. याशिवाय या क्रीमचा वापर करून योनीच्या संतुलनात बिघाड होऊ शकतो आणि संक्रमण होण्याची शक्यता वाढते. या क्रीममुळे योनीत जळजळ, खाज सुटणे, सूज येणे यांसारखे दुष्परिणाम होऊ शकतात. या क्रीममध्ये असलेल्या कोणत्याही घटकामुळे एलर्जी होऊ शकते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)