International Potato Day 2024: का साजरा केला जातो आंतरराष्ट्रीय बटाटा दिवस? जाणून घ्या इतिहास आणि महत्त्व
International Potato Day 2024: ३० मे रोजी आंतरराष्ट्रीय बटाटा दिवस साजरा केला जातो. या दिवसाचा इतिहास, महत्त्व आणि इतर गोष्टी जाणून घ्या.
International Potato Day History and Significance: बटाटा ही एक सार्वत्रिक आवडती भाजी आहे. हे वापरण्यास सोपे, शिजवण्यास सोपे आणि स्वस्त असते. यामुळे समाजातील सर्व प्रकारच्या स्तरापर्यंत ती पोहोचते. बटाटे विविध प्रकारचे पदार्थ बनविण्यासाठी वापरले जातात. अगदी भाजी असो किंवा फ्राईजपासून ते भज्यांपर्यंत बटाट्याचे पदार्थ आवडीने खाल्ले जातात. जगभरातील सर्वात आवडत्या पदार्थांपैकी एक बटाट्यापासून बनविला जातो. बटाटे कोणत्याही टोकाच्या परिस्थितीत वाढू शकतात आणि निसर्गात लवचिक असतात. यामुळे हे पीक लागवडीसाठी सर्वात फायदेशीर पिकांपैकी एक आहे. जगभरात बटाट्याचे मुख्य अन्न म्हणून पौष्टिकमूल्य आणि महत्त्व याविषयी जागरूकता निर्माण करण्यासाठी यावर्षी आंतरराष्ट्रीय बटाटा दिन साजरा केला जाणार आहे. यावर्षीपासूनच ३० मे रोजी आंतरराष्ट्रीय बटाटा दिवस साजरा केला जाईल. हा खास दिवस साजरा करताना या दिवसाचे महत्त्व आणि काही गोष्टी आपल्याला माहित असणे आवश्यक आहे.
आंतरराष्ट्रीय बटाटा दिनाची तारीख
या वर्षी पहिला आंतरराष्ट्रीय बटाटा दिन साजरा करण्यात येणार आहे. आंतरराष्ट्रीय बटाटा दिन ३० मे रोजी म्हणजेच गुरुवार रोजी साजरा केला जाणार आहे.
आंतरराष्ट्रीय बटाटा दिनाचा इतिहास
डिसेंबर २०२३ मध्ये महासभेने जाहीर केले की दरवर्षी ३० मे हा दिवस आंतरराष्ट्रीय बटाटा दिन म्हणून साजरा केला जाईल. जगभरात वापरल्या जाणाऱ्या पहिल्या पाच मुख्य खाद्यपदार्थांमध्ये बटाट्याचा समावेश होतो. अँडियन प्रदेशातील बटाट्याचे महत्त्व जगाला अधोरेखित करण्यासाठी हा दिवस साजरा केला जाणार आहे. यावर्षी पहिला आंतरराष्ट्रीय बटाटा दिन ३० मे रोजी साजरा केला जाणार आहे.
आंतरराष्ट्रीय बटाटा दिनाचे महत्त्व
"बटाटे ग्रामीण आणि इतर भागात सुलभ आणि पौष्टिक अन्न आणि सुधारित उपजीविका प्रदान करण्याच्या धोरणांचा एक महत्त्वाचा घटक आहे, जेथे नैसर्गिक संसाधने, विशेषत: शेती योग्य जमीन आणि पाणी मर्यादित आहे आणि निविष्ठा महाग आहेत. पिकाची अष्टपैलूता आणि विविध परिस्थितीत वाढण्याची क्षमता यामुळे ते फायदेशीर पीक निवड बनते. बटाटे हे हवामानपूरक पीक देखील आहे. कारण ते इतर पिकांच्या तुलनेत हरितगृह वायूंचे उत्सर्जन कमी प्रमाणात करतात," असे संयुक्त राष्ट्रसंघाने त्यांच्या अधिकृत वेबसाइटवर लिहिले आहे. यंदाच्या आंतरराष्ट्रीय बटाटा दिनाची थीम- काढणी विविधता, फीडिंग होप (Harvesting Diversity, Feeding Hope) अशी आहे.
संबंधित बातम्या