International Labour Day 2024: का साजरा केला जातो आंतरराष्ट्रीय कामगार दिवस? जाणून घ्या इतिहास आणि महत्त्व
International Labour Day 2024: दरवर्षी १ मे रोजी आंतरराष्ट्रीय कामदार दिन साजरा केला जातो. हा दिवस का साजरा केला जातो, या दिवसाचा इतिहास आणि महत्त्व जाणून घ्या.
History and Significance of International Labour Day: कामगार आणि कामगार वर्ग ही देशाची प्रेरक शक्ती आहे. तेच विकासाला सुरुवात करण्याची बहुतांश कामे करतात. पायाभूत सुविधा, विकास आणि अर्थव्यवस्थेच्या जोरावर देश आणि राज्याची उभारणी होते. कामगार गोष्टींच्या मुळाशी उतरतात आणि देशात आणि जगात सकारात्मक बदल घडवून आणण्यासाठी मूलभूत पातळीवर काम सुरू करतात. कामगार आणि कामगार वर्ग हा समाजाचा कणा असल्याने ते अत्यंत महत्त्वाचे आहेत. आपण त्यांच्या आरोग्याची नियमित काळजी घेतली पाहिजे आणि त्यांच्या समस्या ऐकल्या पाहिजेत. कामगार वर्गाचे समाजातील योगदान आणि संघर्षाविषयी जनजागृती करण्यासाठी दरवर्षी १ मे रोजी आंतरराष्ट्रीय कामगार दिन साजरा केला जातो. हा दिवस साजरा करताना या दिवसाबद्दलच्या काही गोष्टी माहित असल्या पाहिजे, जाणून घ्या.
आंतरराष्ट्रीय कामगार दिनाचा इतिहास:
१८८६ मध्ये अमेरिकेत एक मोठे आंदोलन झाले जिथे मजुरांनी दररोज आठ तास काम करण्याची मागणी केली. मात्र लवकरच हे आंदोलन हाताबाहेर गेले आणि शिकागोमध्ये अनेक लोक जखमी झाले. ही घटना हेमार्केट अफेअर (Haymarket Affair) म्हणून ओळखली जाऊ लागली. या घटनेमुळे आंतरराष्ट्रीय कामगार दिनाची सुरुवात झाली. १८८९ मध्ये युरोपातील अनेक समाजवादी पक्षांनी एकत्र येऊन १ मे हा दिवस आंतरराष्ट्रीय कामगार दिन म्हणून साजरा करण्याचा निर्णय घेतला. तेव्हापासून दरवर्षी याच दिवशी हा विशेष दिवस साजरा केला जातो.
आंतरराष्ट्रीय कामगार दिनाचे महत्त्व:
आंतरराष्ट्रीय कामगार दिन आपल्याला समाज आणि देशाच्या विकासात कामगार आणि कामगार वर्गाच्या योगदानाची दखल घेण्यास मदत करतो. तसेच मजुरांना त्यांच्या हक्कांविषयी जाणून घेण्याचे आवाहन करण्यात येते. मजुरांचे अनेकदा शोषण केले जाते आणि त्यांना स्वतःचे रक्षण करण्याचे अधिकार माहित असणे महत्वाचे आहे. तसेच कामगारांचे काम आणि राहणीमान विकसित करण्यासाठी लोकांनी एकत्र यावे, असे आवाहन करण्यात आले आहे.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या