मराठी बातम्या  /  लाइफस्टाइल  /  World Cancer Day 2024: आहारात आवर्जून समाविष्ट करा हे ५ कर्करोगाशी लढणारे पदार्थ!

World Cancer Day 2024: आहारात आवर्जून समाविष्ट करा हे ५ कर्करोगाशी लढणारे पदार्थ!

Tejashree Tanaji Gaikwad HT Marathi
Feb 04, 2024 12:28 PM IST

Health Care: असे काही पदार्थ आहेत ज्याच्या सेवनाने कर्करोगाचा धोका वाढवू शकतात.

Healthy food for fight with cancer
Healthy food for fight with cancer (Freepik)

Food for Cancer: कर्करोग दिन दरवर्षी ४ फेब्रुवारी रोजी साजरा केला जातो. कर्करोग दिन साजरा करण्यामागचा उद्देश जनजागृती करणे हा आहे. याशिवाय या प्राणघातक आजाराचा धोका कमी करणे हासुद्धा आहे. कर्करोगाचे अनेक आजार असतात. फुफ्फुसाचा कर्करोग, स्तनाचा, गर्भाशयाच्या मुखाचा, डोके आणि मान आणि कोलोरेक्टल कर्करोग असे अनेक प्रकारचे कर्करोग आहेत. प्रत्येक प्रकारचा कर्करोग आणि त्याचा शरीरावर कसा परिणाम होतो हे समजून घेणे महत्त्वाचे आहे, तरच आपण त्याला रोखू शकतो. रोजचा आहार योग्य असणे गरजेचे आहे. चला तर मग जाणून घेऊया अशाच काही पदार्थांबद्दल जे कॅन्सरचा धोका कमी करण्यास मदत करू शकतात.

किवी

व्हिटॅमिन सी समृद्ध, किवी सगळ्यांचं माहित आहे. हे फळ फारच फायदेशीर आहे. हे डीएनए दुरुस्तीमध्ये मोठी भूमिका बजावते, ज्यामुळे केमोथेरपी आणि रेडिएशन दरम्यान ते आवश्यक पदार्थ बनते.

World Cancer Day: कर्करोगामधून बरे होण्‍याच्‍या प्रवासात कोणत्या गोष्टी आहेत महत्त्वाच्या ? जाणून घ्या

ग्रीन टी

ग्रीन टीमध्ये EGCG नावाचे अँटिऑक्सिडंट असते जे मुक्त रॅडिकल्सशी लढण्यास आणि जळजळ कमी करण्यास मदत करते.

मशरूम

मशरूम अनेकजण खात नाही. पण हे एक समृद्ध अन्न आहे. हे जळजळ कमी करणे आणि अँटिऑक्सिडंट संख्या सुधारणे उपचार, पुनर्प्राप्ती आणि कर्करोग किंवा इतर दाहक परिस्थितीची पुनरावृत्ती टाळण्यास मदत करू शकते.

Breast Cancer: स्तनाचा कर्करोग रोखण्यासाठी फॉलो करा हे डाएट आणि लाइफस्टाइल सवयी!

हिरव्या भाज्या

हिरव्या भाज्या तर आवर्जून आहारात असाव्यात. या भाज्या कर्करोगाच्या पेशी नष्ट करू शकतात आणि ट्यूमर वाढण्यापासून रोखू शकतात.

कडधान्ये

कडधान्ये तर भारतीय आहारातील महत्त्वपूर्ण घटक आहे. हे प्रथिनांचा उत्तम स्रोत मानले जातात. प्रोटीन व्यतिरिक्त, त्यात फायबर आणि फोलेटचे गुणधर्म देखील असतात, ज्यामुळे स्वादुपिंडाचा कर्करोग होण्याचा धोका कमी होतो.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel