ICMR weight loss Tips : वजन कमी करण्याची योग्य पद्धत कोणती? आयसीएमआरनं दिला 'हा' सुरक्षित वीकली प्लान

हेही वाचा: ओव्याचे पाणी पिण्याचे ‘हे’ जबरदस्त फायदे तुम्हाला माहीत आहेत का? जाणून घ्या...

आठवड्याला किती वजन कमी करणं सुरक्षित?

'वजन हळूहळू कमी व्हायला हवं. वजन कमी करण्यासाठी घेतला जाणारा आहार दिवसाला १००० किलोकॅलरीपेक्षा कमी नसावा आणि सर्व पोषक द्रव्ये सेवन केली पाहिजेत. दर आठवड्याला अर्धा किलो वजन कमी करणं सुरक्षित मानलं जातं. वेगानं वजन कमी करणं आणि लठ्ठपणाविरोधी औषधांचा वापर टाळला पाहिजे, असं आयसीएमआरच्या मार्गदर्शक सूचनांमध्ये म्हटलं आहे.

योग्य वजन आणि कमरेचा घेर राखण्यासाठी आहारात ताज्या भाज्या, संपूर्ण धान्य, कडधान्ये आणि सोयाबीनचा समावेश करावा. साखर, प्रक्रिया केलेली उत्पादनं आणि फळांचा रस हे खाद्यपदार्थ टाळावेत. नियमित शारीरिक हालचाली, वजन कमी करण्याची आसनं हा चांगला मार्ग ठरू शकतो.

हेही वाचा: केवळ जीभेचे चोचले पुरवत नाही, तर आरोग्यासाठीही लाभदायी आहेत चिंच! ‘असा’ करा वापर

आयसीएमआरनुसार वजन कमी करण्याचे योग्य मार्ग

> पुरेशा भाज्यांसह समतोल आहार

फायबर आणि पोषक द्रव्ये असलेलं जेवण अधिक खाण्याची इच्छा कमी करेल आणि अतिरिक्त कॅलरीची गरजही कमी करेल.

> भाज्यांवर भर द्या!

भाज्यांमध्ये कॅलरी कमी आणि जीवनसत्त्वं, खनिजं आणि फायबर जास्त असल्यानं त्या आपल्याला वजन कमी करण्यास मदत करतात.

> भाग नियंत्रणाचा सराव करा

शरीराच्या आकाराबद्दल सावधगिरी बाळगा आणि जास्त खाणं टाळा.

> स्नॅक स्मार्ट

मूठभर शेंगदाणे, साधे दही, मसाल्यासह कापलेल्या भाज्या असे पौष्टिक पर्याय निवडा.

> पातळ मांसाची निवड करा

मांसाच्या चरबीयुक्त पदार्थांच्या तुलनेत स्किनलेस पोल्ट्री, मासे, मांसाचे पातळ तुकडे कमी कॅलरीयुक्त असल्यानं अधिक उपयुक्त ठरतात.

हेही वाचा: मासिक पाळी नियमित आल्यानंतरही असून शकते पीसीओसची समस्या! जाणून घ्या काय आहेत लक्षणं

> निरोगी स्वयंपाक पद्धती वापरा

तळलेल्या पदार्थ्यांच्या तुलनेत ग्रिलिंग, बेकिंग, स्टीमिंग किंवा परतून घेण्यासाठी कमी तेल लागते. त्यामुळं त्या पद्धतीचे पदार्थ खा.

> साखरयुक्त ड्रिंक्स टाळा!

सोडा आणि फळांचा रस यासारख्या साखरयुक्त पेयांचं सेवन कमी करा. पाणी, हर्बल चहा किंवा साखर नसलेले ड्रिंक्स अधिक चांगले असतात.

> पदार्थावरील लेबल वाचा

एखादा खाद्यपदार्थ विकत घेताना त्यात असलेले कॅलरी, सॅच्युरेटेड फॅट्स, साखर आणि सोडियमच्या माहितीसाठी फूट पॅकेटवरील लेबल तपासा. आरोग्यदायी घटक असलेले पदार्थ निवडा.