Human Rights Day: ९९ टक्के लोकांनां माहितीच नाहीत त्यांचे 'हे' हक्क, यात तुमचा समावेश तर नाही ना?

भारतात १२ ऑक्टोबर १९९३ रोजी राष्ट्रीय मानवाधिकार आयोगाची स्थापना करण्यात आली, त्यानंतर मानवी हक्क आयोग राजकीय, आर्थिक, सामाजिक आणि सांस्कृतिक कार्य क्षेत्रातही काम करतो. जसे वेतन, एचआयव्ही एड्स, आरोग्य, बालविवाह, महिलांचे हक्क. अधिकाधिक लोकांना त्यांच्या हक्कांची जाणीव करून देणे हे मानवी हक्क आयोगाचे काम आहे. मात्र, भारतातील मानवी हक्कांबाबत बोलायचे झाले तर आजही अनेकांना मानवाधिकार हे स्वतःचे हक्क असूनही त्याची जाणीव नसल्याचे स्पष्ट होते. मागासलेली राज्ये आणि साक्षरतेचे प्रमाण कमी असलेल्या गावांमध्ये मानवी हक्कांचे उल्लंघन सामान्य आहे. अशा भागात सत्ता असलेले लोक हे नियम पाळत नाहीत आणि सर्वसामान्यांवर दबाव टाकतात. शहरांतील लोकांना मानवी हक्कांची जाणीव असते पण ते त्यांचा चुकीचा फायदाही घेतात. त्यामुळेच आज आपण पाच सर्वसामान्य मानवी हक्क जाणून घेऊया...

कलम १-

प्रत्येक व्यक्ती जन्मताच स्वतंत्र आहे. आणि प्रत्येकालाच समान न्याय, मानसन्मान, प्रतिष्ठा आणि समान अधिकार आहेत.

कलम २-

मानवाधिकार जाहीरनाम्यात नमूद केलेले सर्व हक्क आणि अधिकार प्रत्येक व्यक्तीला जात, धर्म, वर्ण, रंग, लिंग यांचा भेदभाव न करता देण्यात यावेत. जर कोणताही भेदभाव झाल्यास तो कायदेशीर गुन्हा असेल.

Road Trip: भारतातील ५ सर्वात सुंदर हायवे, आयुष्यभर आठवणीत राहील येथील ट्रीप, लगेच करा प्लॅन

कलम ३-

प्रत्येकालच हवे तिथे आणि हवे तसे जगण्याचा अधिकार आणि स्वातंत्र्य आहे. परंतु असे करताना इतर व्यक्तीच्या स्वातंत्र्यावर बाधा येता कामा नये.

कलम ४-

कोणत्याही व्यक्तीने इतर कोणत्याही व्यक्तीला गुलामगिरीत ठेवणे किंवा गुलामाची वागणूक देणे गुन्हा समजला जातो. या प्रथा कायदेशीररित्या बंद करण्यात आल्या आहेत.

कलम ५-

कोणत्याही व्यक्तीचा जाणून बुजून अपमान करता कामा नये. किंवा कोणालाही क्रूर आणि हिंसक वागणूक देता कामा नये.

Marriage Tips: लग्न करण्यापूर्वी जोडीदाराला कोणते प्रश्न विचारावे माहितेय? संसार होईल सुखाचा, येणार नाहीत अडचणी