Hug Day 2025 : प्रत्येक मिठीचा अर्थ असतो वेगळा! 'हग डे'च्या दिवशी मिठी मारण्याआधीच जाणून घ्या!

मिठी मारण्याचे प्रकार आणि त्यांचे वेगवेगळे अर्थ

साइड हग

साइड हग म्हणजेच बाजूने मारलेली मिठी ही अशा लोकांसाठी असते, ज्यांना तुम्ही ओळखता पण त्यांच्याशी तुमचे फारसे जवळचे संबंध नाहीत. या मिठीला सभ्य आणि मैत्रीपूर्ण म्हणतात. जवळचे मित्र आणि रोमँटिक जोडीदाराला कधी कधी सकारात्मक ऊर्जा देण्यासाठी या प्रकारची मिठी मारू शकतात.

वेस्ट हग

कमरेवर हात ठेवून मारलेल्या मिठीला 'वेस्ट हग' म्हणतात. या मिठीला रोमँटिक मिठीही म्हणतात. अशा प्रकारे मिठी मारण्याचा अर्थ असा की, ती व्यक्ती तुमच्यासोबत जास्त वेळ घालवू इच्छिते आणि तुमचे या व्यक्तीशी खूप जवळचे नाते आहे.

Valentines Day 2025 सुरू होतोय प्रेमी युगुलांचा 'व्हॅलेंटाईन वीक' आताच नोट करून ठेवा तारखा आणि दिवस

बॅक हग

मागून मिठी मारणे किंवा बॅक हग देणे म्हणजे मी नेहमीच तुझ्यासोबत आहे असे एखाद्या व्यक्तीला सांगणे. याला सगळ्यात विश्वासू मिठी असेही म्हटले जाते. जोडीदार अशा प्रकारे एकमेकांना मिठी मारतात आणि म्हणण्याचा प्रयत्न करतात की, मी नेहमी तुझी काळजी घेईन.

टाइट हग

टाइट हग म्हणजेच घट्ट मिठी ज्यांना तुम्ही खूप प्रेम करता आणि ज्यांच्यापासून दूर जाण्यास घाबरता त्यांनाच घट्ट मिठी मारली जाते. ही मिठी दोन व्यक्तींमधील जवळीक दर्शवते. या मिठीत असे वाटते की जणू तुम्ही दोघेही एकमेकांच्या हृदयाचे ठोके ऐकू शकता.

बडी हग

तुम्ही तुमच्या मित्रांना दिलेल्या मिठीला 'बडी हग' म्हणता येईल. यामध्ये, दोन लोक एकमेकांना मिठी मारतात आणि एकमेकांच्या खांद्यावर हाताने थाप देतात. या प्रकारची मिठी धैर्य वाढवण्यासाठी देखील दिली जाते.