Meditation Tips: ध्यान लावण्यासाठी डोळे बंद करताच विचार येतात? असे थांबवा मनातील विचार
Thoughts of Mind: ध्यान केल्याने आरोग्यासाठी अनेक फायदे होतात. पण काही लोकांची तक्रार असते की डोळे बंद करताच काही गोष्टी त्यांच्या मनात येत राहतात. जाणून घ्या अशा वेळी काय करावे.
Tips To Stop Thoughts While Meditation: मन शांत करण्यासाठी ध्यान हा एक उत्तम व्यायाम आहे. तुमच्या रोजच्या बिझी शेड्युलमधून थोडा वेळ काढून ध्यान केल्याने तुम्ही अनेक फायदे मिळवू शकता. असे केल्याने शरीर निरोगी राहण्यास मदत होते. या धावपळीच्या जीवनात तुम्हालाही तुमचे मन आणि शरीर शांत ठेवायचे असेल तर तुम्ही ध्यानाची मदत घेऊ शकता. पण काही लोक तक्रार करतात की ध्यान करताना त्यांच्या मनात वेगवेगळे विचार येतात, ज्यामुळे त्यांना एकाग्र करणे कठीण होते. अशा परिस्थितीत येथे जाणून घ्या विचार थांबवण्याचे उपाय-
- चांगले लक्ष केंद्रित करण्यासाठी काही शारीरिक व्यायाम केल्यानंतरच ध्यानावर लक्ष केंद्रित करा.
- ध्यान करण्यापूर्वी तुम्ही काही योगासने करू शकता. हे केल्यावर तुमचे शरीर आणि मन दोन्ही ध्यानासाठी तयार होतील.
- ध्यानाचे फायदे मिळविण्यासाठी ते योग्यरित्या करणे महत्वाचे आहे. जर तुम्हाला काही गोष्टींचा त्रास होत असेल तर ते सोडवा.
- तुमचे कोणते काम करायचे बाकी आहेत याचा विचार बाजूला ठेवा. अनेक वेळा आज दिवसभर काय करायचे आहे याचा विचार ध्यान करताना येतो. अशावेळी कामे आधी पूर्ण करून घ्या. जसे तुम्हाला बिल भरायचे असेल, स्वयंपाक करायचा असेल किंवा इतर कशाची चिंता असेल तर ते काम पूर्ण करा.
- विचारांपासून मुक्त होण्याचा आणि मन शांत करण्याचा सर्वोत्तम मार्ग म्हणजे लेखन सुरू करणे. जर एखादी गोष्ट तुम्हाला त्रास देत असेल तर ध्यान करण्यापूर्वी ती गोष्ट तुमच्या डायरीत लिहा. हे केल्यावर तुम्हाला एकाग्र होण्यास मदत होईल.
- जर तुमचे मन अस्वस्थ असेल आणि ध्यानासाठी डोळे मिटून तुम्ही एकाग्र होऊ शकत नसाल तर तुम्ही एक गोष्ट लक्षात ठेवा, डोळे बंद करण्यापूर्वी दीर्घश्वास घ्या. ध्यान करण्यापूर्वी अनुलोम विलोम करा. याशिवाय दीर्घश्वास घ्या, यामुळे तुमचे मन शांत होण्यास मदत होईल.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या