Jaljeera Recipe: केवळ उष्माघातापासून बचाव नाही तर वेट लॉस साठी फायदेशीर आहे जलजीरा, पाहा रेसिपी
Summer Special Drink Recipe: जलजीरा प्यायला जितका स्वादिष्ट लागतो तितकाच कमी कॅलरीजमुळे वजन कमी करण्यासाठीही खूप फायदेशीर आहे. चला जाणून घेऊया जलजीराची रेसिपी
Tasty Jaljeera Recipe: उन्हाळा सुरू होताच लोक ताक, लस्सी, शरबत आणि जलजीरा यासारख्या थंड पदार्थांचा आहारात समावेश करू लागतात. ही समर ड्रिंक्स उन्हाळ्यात शरीराला थंड ठेवतातच शिवाय आरोग्याला नकळत अनेक आश्चर्यकारक फायदे देतात. अशाच एका चटपटीत समर ड्रिंकचे नाव आहे जलजीरा. जलजीरा प्यायला जेवढा स्वादिष्ट लागतो, तेवढाच आरोग्यासाठीही फायदेशीर आहे. याच्या नियमित सेवनाने पोट थंड तर राहतेच पण पचनक्रियाही सुधारते. याशिवाय कॅलरी कमी असल्याने वजन कमी करण्यातही हे खूप फायदेशीर आहे. हे बनवायला खूप सोपे आहे. चला तर मग जाणून घेऊया टेस्टी जलजीरा रेसिपी कशी बनवायची.
जलजीरा बनवण्यासाठी लागणारे साहित्य
- अर्धा कप पुदिन्याची पाने
- अर्धा कप हिरवी कोथिंबीर
- अर्धा इंच आल्याचा तुकडा
- २ चमचे लिंबाचा रस
- अर्धा टीस्पून भाजलेले जिरे पावडर
- एक चतुर्थांश टीस्पून हिंग
- २ टीस्पून काळे मीठ
- अर्धा टीस्पून मीठ
- एक चतुर्थांश टीस्पून काळी मिरी पावडर
- १ चमचा दाणेदार पांढरी साखर
- २ चमचे आमचूर पावडर
- १ टेबलस्पून चिंचेची पेस्ट
- ४ कप थंड पाणी
जलजीरा बनवण्याची पद्धत
टेस्टी जलजीरा बनवण्यासाठी प्रथम पुदिन्याची पाने, कोथिंबीर, आले आणि अर्धा कप पाणी ब्लेंडरमध्ये घालून सर्व साहित्याची पेस्ट तयार करा. आता ही पेस्ट एका काचेच्या भांड्यात काढा आणि त्यात लिंबाचा रस, भाजलेले जिरे पूड, हिंग, काळे मीठ, साधे मीठ, काळी मिरी, दाणेदार साखर, आमचूर पावडर आणि चिंचेची पेस्ट घाला. यानंतर उरलेले साडे तीन कप पाणी घालून सर्व काही चांगले मिक्स करा. आता मीठ, लिंबाचा रस आणि चिंचेची पेस्टची टेस्ट तपासा. तुम्ही आवश्यकतेनुसार त्याचे प्रमाण वाढवू शकता.
जलजीराची चव आणखी वाढवण्यासाठी ते फ्रिजमध्ये ३ ते ४ तास ठेवा. त्यानंतर, सर्व्हिंग ग्लासमध्ये जलजीरा टाका. वर काही बर्फाचे तुकडे घाला आणि थंडगार सर्व्ह करा.
संबंधित बातम्या