Pizza Corn: या पावसाळ्यात साधं भाजलेलं मका नाही तर ट्राय करा क्रंची पिझ्झा कॉर्न, नोट करा चटपटीत रेसिपी
Monsoon Special Recipe: तुम्ही पावसाळ्यात भाजलेला मका नेमही खाल्ला असेल. पण तुम्हाला नवीन काही खायचं असेल तर क्रंची पिझ्झा कॉर्नची ही रेसिपी ट्राय करा. हे तुम्ही इव्हनिंग स्नॅक्समध्ये देखील सर्व्ह करू शकता.
Crunchy Pizza Corn Recipe: रिमझिम पावसात गरमागरम भाजलेला मका खायला मिळाले तर चव आणि पावसाची मजा दुप्पट झाल्यासारखे वाटते. सहसा घरातील स्त्रिया मका भाजून किंवा उकळून खायला देतात. या ऋतूत रस्त्याच्या कडेला असलेल्या कोळशाच्या भट्टीवर भाजलेला मका तुम्ही अनेकदा पाहिले आणि खाल्ले असेल. पण आज आम्ही तुमच्यासोबत जी कॉर्न रेसिपी शेअर करणार आहोत ती तुमच्या टेस्टबर्ड्सना ट्रीट देणारी आहे. आणि या रेसिपीचे नाव आहे क्रंची पिझ्झा कॉर्न. क्रंची कॉर्नची चव नेहमीच्या कॉर्न रेसिपीपेक्षा पूर्णपणे वेगळी आणि चवदार आहे. या रेसिपीच्या चटपटीत चवीमुळे, आपण ते इव्हनिंग स्नॅक्स म्हणून देखील सर्व्ह करू शकता. चला तर मग जाणून घ्या कसे बनवायचे क्रंची पिझ्झा कॉर्न.
क्रंची पिझ्झा कॉर्न बनवण्यासाठी साहित्य
- २ कॉर्न
- १/४ कप कॉर्न फ्लेक्स
- २ टेबलस्पून पिझ्झा सॉस
- १ टेबलस्पून मेयोनीज
- १/२ टीस्पून काळे मीठ
- १/२ टीस्पून काळी मिरी
- १/२ टीस्पून लाल तिखट
- १ टीस्पून चिली फ्लेक्स
- १ टीस्पून ओवा
- १ टीस्पून चाट मसाला
- २ टेबलस्पून कोथिंबीर
- १ टेबलस्पून लिंबाचा रस
- १ टेबलस्पून सॉफ्ट बटर
- मीठ चवीनुसार
क्रंची पिझ्झा कॉर्न बनवण्याची पद्धत
क्रंची पिझ्झा कॉर्न बनवण्यासाठी सर्वप्रथम कॉर्न सोलून मीठ मिसळलेल्या पाण्यात झाकून १० मिनिटे उकळण्यासाठी ठेवा. दरम्यान एका बाऊलमध्ये पिझ्झा सॉस, मेयोनीज, मीठ, काळे मीठ, काळी मिरी, लाल तिखट, चिली फ्लेक्स, ओवा, चाट मसाला, कोथिंबीर, लिंबाचा रस आणि बटर घालून सर्व काही नीट मिक्स करून मॅरिनेशन तयार करा. त्यानंतर मक्याच्या क्रंची टेस्टसाठी मिक्सरमध्ये कॉर्न फ्लेक्स थोडे जाडसर बारीक करून घ्या आणि एका प्लेटमध्ये पसरवा. यानंतर पाण्यातून उकडलेला मका काढून त्यावरील अतिरिक्त पाणी कापडाने वाळवावे. नंतर त्यावर ब्रशच्या साहाय्याने मॅरिनेट केलेली पेस्ट लावावी.
यानंतर हा मका बारीक केलेल्या कॉर्न फ्लेक्समध्ये कोट करून घ्या. यानंतर हा मका गॅसवर एक मिनिट भाजून घ्या. तुमचा चविष्ट क्रंची पिझ्झा कॉर्न तयार आहे. लगेच सर्व्ह करा.
संबंधित बातम्या