Ram Ladoo: स्ट्रीट फूड लव्हर्सना नक्की आवडेल राम लड्डूची टेस्टी रेसिपी, पाहा बनवण्याची पद्धत
Street Style Recipe: राम लड्डू हा भारतातील सर्वात लोकप्रिय स्ट्रीट फूड आहे. ते खाल्ल्याने पचनक्रियाही चांगली होते. चला तर जाणून घ्या स्ट्रीट स्टाईल राम लड्डूची रेसिपी.
Ram Ladoo Recipe: जर तुम्हाला स्ट्रीट फूड खाण्याची आवड असेल तर राम लड्डूची ही रेसिपी तुम्हाला नक्कीच आवडेल. राम लड्डू हे भारतातील सर्वात लोकप्रिय स्ट्रीट फूड आहे, जी मूग डाळीपासून तयार केली जाते. राम लड्डू हे फक्त खायला अतिशय चविष्ट नाही तर बनवायलाही खूप सोपा आहे. एवढेच नाही तर हे प्रथिने, कार्बोहायड्रेट, फायबरचा ही समृद्ध स्रोत आहे. हा हेल्दी स्नॅक खाल्ल्याने पचनक्रियाही चांगली राहते. चला तर मग वाट कसली पाहताय, जाणून घ्या स्ट्रीट स्टाईल राम लड्डू कसा बनवायचा.
स्ट्रीट स्टाईल राम लड्डू बनवण्यासाठी साहित्य
- १ वाटी मूग डाळ
- १/२ कप चणा डाळ
- ३ कप पाणी
- १ इंच आल्याचा तुकडा
- २ हिरव्या मिरच्या
- १/२ कप हिरवी चटणी
- २ चिमूट हिंग
- १ टीस्पून जिरे
- १ चमचा मीठ
- आवश्यकतेनुसार रिफाइंड तेल
टॉपिंगसाठी
- काळे मीठ - गरजेनुसार
- चाट मसाला - आवश्यकतेनुसार
- लिंबाचा रस - आवश्यकतेनुसार
- १ कप किसलेला मुळा
- २ टेबलस्पून कोथिंबीर
स्ट्रीट स्टाईल राम लड्डू बनवण्याची पद्धत
राम लड्डू बनवण्यासाठी सर्वप्रथम चणा डाळ आणि मूग डाळ रात्रभर पाण्यात भिजत ठेवा. दुसऱ्या दिवशी सकाळी डाळीचे पाणी काढून घ्या. भिजवलेल्या डाळींमध्ये आले, हिरवी मिरची, जिरे, हिंग आणि मीठ मिक्स करा. आता या सर्व गोष्टी मिक्सरमध्ये टाकून त्याचे स्मूद बॅटर तयार करा. डाळींचे हे मिश्रण एका भांड्यात काढून बाजूला ठेवा. आता मध्यम आचेवर कढई गरम करून त्यात तेल गरम करा. तेल गरम झाल्यावर एक चमचा मिश्रण तेलात टाका आणि डीप फ्राय करा. लड्डूचा रंग सोनेरी तपकिरी झाल्यावर गॅस कमी करा. तयार लड्डूवर कोटिंग करण्यासाठी दुसरे भांडे घेऊन त्यात किसलेला मुळा, लिंबाचा रस, कोथिंबीर आणि काळे मीठ घाला.
कढईतून आधी तळलेले लड्डू काढून दुसऱ्या बाऊलमध्ये तयार केलेल्या मिश्रणासोबत चांगले कोट करावे. तुमचे टेस्टी राम लड्डू तयार आहेत. हिरव्या चटणीसोबत गरमागरम सर्व्ह करा.
