मराठी बातम्या  /  लाइफस्टाइल  /  Spring Onion Paratha Recipe: नाश्त्यात बनवा हेल्दी आणि टेस्टी हिरव्या कांद्याचा पराठा, जाणून घ्या रेसिपी!

Spring Onion Paratha Recipe: नाश्त्यात बनवा हेल्दी आणि टेस्टी हिरव्या कांद्याचा पराठा, जाणून घ्या रेसिपी!

Tejashree Tanaji Gaikwad HT Marathi
Mar 20, 2024 09:31 AM IST

Breakfast Recipe: हिरवा कांद्याचा पराठा हा एक अतिशय आरोग्यदायी आणि चवदार नाश्ता आहे. चला याची रेसिपी जाणून घ्या.

how to make Spring Onion Paratha
how to make Spring Onion Paratha (freepik)

Healthy breakfast Recipe: नाष्टात काहीतरी छान खावंसं वाटतं. टेस्टी सोबत हेल्दी पदार्थ नाश्त्यात खायचे असतात. अशावेळी काय खावं हे समजत नाही. यावेळी आपण नवीन रेसिपीच्या शोधात जातो. तुम्ही पण अशा रेसिपीच्या शोधात असाल तर आम्ही तुमच्यासाठी खास रेसिपी आम्ही घेऊन आलो आहोत. हिरवा पातीचा कांदा ज्याला स्प्रिंग ओनियनही म्हणतात याचे पराठे तुम्ही बनवू शकता. चायनीज फूडमध्ये हिरव्या कांद्याचा मोठ्या प्रमाणात वापर केला जातो. तुम्ही मंचुरियन बनवत असाल किंवा मिरची बटाटा, हिरव्या कांद्याशिवाय चव अपूर्ण वाटते. सध्या हिरव्या कांद्याचा हंगाम आहे, त्यामुळे तुम्ही हिरव्या कांद्याची भाजी किंवा परांठा तयार करून घरीच खाऊ शकता. हिरव्या कांद्यामध्ये फायबर, जीवनसत्त्वे, खनिजे, मॅग्नेशियम, पोटॅशियम, सल्फर आणि तांबे आढळतात.

जाणून घ्या कृती

> अर्धा कप बारीक पातीचा पांढरा कांदा चिरून घ्या.

> सुमारे दीड कप कांद्याचा हिरवी पात बारीक चिरून घ्या.

> २ चमचे बारीक किसलेले आले घ्या.

> ३ बारीक चिरलेल्या हिरव्या मिरच्या आणि २ चमचे लसूण पेस्ट घ्या.

> चवीनुसार मीठ घालून हाताच्या साहाय्याने सर्व साहित्य चांगले मिसळा.

> आता १ कप मैदा आणि सुमारे २ चमचे तेल घालून पीठ मळून घ्या.

> पीठ मळताना खूप कमी पाणी वापरा आणि थोडे घट्ट पीठ मळून घ्या.

> आता पिठाचा एक गोळा घ्या आणि छान लाटून घ्या.

> पराठा देसी तुपाने सोनेरी होईपर्यंत बेक करा. पराठा फक्त मध्यम आचेवर भाजून घ्या.

> चवदार हिरव्या कांद्याचे पराठे तयार आहेत.

WhatsApp channel

विभाग