मराठी बातम्या  /  लाइफस्टाइल  /  Hair Care: रिठा आणि शिककाईपासून घरीच बनवा शॅम्पू, केस गळती होईल कमी!

Hair Care: रिठा आणि शिककाईपासून घरीच बनवा शॅम्पू, केस गळती होईल कमी!

Tejashree Tanaji Gaikwad HT Marathi
Jan 12, 2024 02:21 PM IST

Herbal Shampoo: जर तुमचे केस खूप गळत असतील तर केमिकल उत्पादने न वापरता घरीच नैसर्गिक शॅम्पू बनवा. याचा वापर केल्याने बऱ्यापैकी फरक पडेल.

how to make Natural shampoo
how to make Natural shampoo (freepik)

Natural Shampoo For Hair Loss: आजकाल केस गळणे फारच सामान्य समस्या झाली आहे. अगदी लहान मुलांचेही आजकाल केस गळतात (hair loss). यावर उपाय म्हणून अनेकदा केमिकलयुक्त शॅम्पू किंवा इतर उत्पादने वापरले जातात. हे उत्पादने फारच महागडे असतात. पण यामुळे तुमचे केस मजबूत होण्याऐवजी हे केमिकल प्रोडक्ट्स तुमचे केस आणखी कमकुवत करतात. यामुळे केस गळणे थांबत नाही. जर तुम्हालाही केसगळतीच्या समस्येचा सामना करावा लागत असेल तर केसांना मुळांपासून मजबूत करण्यासाठी घरीच रिठा आणि शिककाईचा नैसर्गिक शॅम्पू बनवा. हा शॅम्पू कसा बनवायचा ते जाणून घ्या.

लागणारे साहित्य

एक कप रिठा

एक कप शिकाकाई

जाणून घ्या कृती

एक कप रिठा आणि एक कप शिकाकई रात्रभर पाण्यात भिजत ठेवा. सकाळी उठल्यावर तुम्हाला दिसेल की ते दोन्ही पाण्यात गळून गेले असे .आता त्याचे पाणी काढून टाका. आता एका मोठ्या भांड्यात पाणी घेऊन गॅसवर ठेवा. आता या भांड्यात रिठा आणि शिकाकाई घाला. काही वेळाने गॅस बंद करा. काही वेळाने हातात रिठा घ्या आणि त्यातून एक छान साबणाचा भाग निघेल. आता रिठा आणि शिककाईच्या बिया हळूहळू काढून टाका. उर्वरित मिश्रण पिळून घ्या आणि पाण्यातून शॅम्पू काढा. आता पाणी हाताने फेटून घ्या. तुमचा नैसर्गिक शॅम्पू तयार आहे. आता बाटलीत भरून ठेवा.

कसा वापरायचा हा शॅम्पू ?

हा शॅम्पू वापरण्यापूर्वी २ तास आधी केसांना चांगले तेल लावा. सर्वात आधी तुमचे केस साध्या पाण्याने भिजवा. आता तुम्ही बनवलेला शॅम्पू तुमच्या केसांना लावा. त्यातून खूप चांगला फेस निघेल आणि तुमचे केसही स्वच्छ होतील. तुम्ही रीठा आणि शिककाई कोणत्याही दुकानातून किंवा ऑनलाइन ऑर्डर करू शकता. या शॅम्पूचा वापर केल्याने तुमचे केस गळणे थांबेल आणि डोक्यातील कोंडाही दूर होईल.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)

WhatsApp channel

विभाग