मराठी बातम्या  /  लाइफस्टाइल  /  Sewai Chilla Recipe: नाश्त्यात रेगुलरपेक्षा शेवयांपासून बनवा चीला, जाणून घ्या रेसिपी!

Sewai Chilla Recipe: नाश्त्यात रेगुलरपेक्षा शेवयांपासून बनवा चीला, जाणून घ्या रेसिपी!

Tejashree Tanaji Gaikwad HT Marathi
Jan 09, 2024 10:21 AM IST

Breakfast Recipes: काहीतरी वेगळं आणि चविष्ट खायचं असेल तर तुम्ही झटपट शेवयांचा चिला बनवून खाऊ शकता.

Winter Breakfast Recipe
Winter Breakfast Recipe (freepik)

Vermicelli Chilla Recipe: नाश्त्यात अनेकजण चीला खातात. सहसा बेसन आणि रव्याचा चीला बनवतात, पण तुम्ही कधी शेवया पासून बनवलेला चिला खाल्ला आहे का? जर तुम्ही पहिल्यांदाच या नाश्ताबद्दल ऐकत असाल तर काही हरकत नाही. आम्ही तुम्हाला शेवया आणि रव्यापासून तयार केलेल्या चील्याची रेसिपी सांगणार आहोत. काहीतरी वेगळं आणि चविष्ट खाण्यासाठी, तुम्ही झटपट शेवया आणि रवा चीला रेसिपी तयार करून नाश्त्यात गरमागरम सर्व्ह करू शकता. चला तर मग जाणून घेऊया शेवया आणि रव्यापासून बनवलेल्या चीळाची रेसिपी.

लागणारे साहित्य

शेवया - १ कप ठेचून

रवा - एक कप

आले- १ टीस्पून किसलेले

दही- अर्धा कप

जिरे पावडर - एक टीस्पून

लिंबाचा रस - अर्धा लिंबू

हिरवी मिरची - २ बारीक चिरून

गाजर - एक मध्यम आकाराचे

कांदा - एक

तांदूळ पीठ - २ चमचे

मीठ - चवीनुसार

कोथिंबीरची पाने - १ ते २ चमचे चिरून

तेल- आवश्यकतेनुसार

जाणून घ्या रेसिपी

सर्व प्रथम सर्व भाज्या बारीक चिरून घ्या. गाजर, कांदा, आले, कोथिंबीर, हिरवी मिरची बारीक चिरून किंवा किसून घ्या. त्यांना बाजूला ठेवा. गॅसवर पॅन ठेवा. आता त्यात शेवया घालून दोन ते तीन मिनिटे परतून घ्या. त्यात रवा घालून सोनेरी होईपर्यंत भाजा. आता एका भांड्यात ठेवा आणि थंड होऊ द्या. आता त्यात लिंबू, दही, चवीनुसार मीठ घालून मिक्स करा. थोडे थोडे पाणी घालून पीठ तयार करा. मिश्रण खूप जाड किंवा पातळ नसावे. ५-१० मिनिटे झाकून ठेवा. यामुळे रवा आणि शेवया मऊ होतील. आता या द्रावणात जिरेपूड, आले, कांदा, कोथिंबीर, हिरवी मिरची, गाजर घालून मिक्स करा. जर मीठ कमी असेल तर तुम्ही तुमच्या गरजेनुसार जास्त घालू शकता. तसेच तांदळाचे पीठ घालून मिक्स करावे. गॅस स्टोव्हवर पॅन ठेवा. त्यात थोडं तेल टाका, तेल गरम झाल्यावर शेवया आणि रव्याचे हे मिश्रण मोठ्या चमच्याच्या सहाय्याने ओतावे आणि गोलाकार आकारात चांगले पसरवावे.

दोन्ही बाजूंनी पलटून, सोनेरी तपकिरी होईपर्यंत शिजवा. त्याच पद्धतीने संपूर्ण पिठात चीला बनवून प्लेटमध्ये ठेवा. गरमागरम शेवया आणि रव्यापासून बनवलेल्या आरोग्यदायी, चविष्ट आणि पौष्टिक चील्याची रेसिपी नाश्त्याला देण्यासाठी तयार आहे. टोमॅटो सॉससोबत खाऊ शकता.

WhatsApp channel